Еклесиаст 5:1 - Коми Библия 2023

¹ Кывтӧ шуны эн тэрмась, мӧвпышттӧг Ен водзын эн сёрнит, Енмыс ӧд енэжын, а тэ му вылын. Сідзкӧ, сёрниыд мед оз ло уна кывъя.

Еклесиаст 5:1 Kruisverwysings

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

Иов 11:2

– Уна кыв шуалысьлы оз ӧмӧй ков вочавидзны, уна сёрнитысь ӧмӧй збыльсӧ висьталӧ?

Иов 22:12

Енмыс ӧмӧй абу енэжсьыс на вылын? Видзӧдлы кодзувъяс вылӧ, кутшӧм найӧ ылынӧсь.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Петӧм 3:5

Ен шуис: «Водзӧ эн воськовт! Пӧрччы кӧмтӧ, ӧд муыс, кӧні тэ сулалан, вежа».

Петӧм 30:18

«Вӧч ыргӧнысь мыссян доз да сылысь коксӧ. Пукты сійӧс вежа чом да висьпуктанін костӧ, кисьт сэтчӧ ва.

Шусьӧгъяс 10:19

Бызгысь вомаыд мыжӧ усьӧ, вомсӧ тупкысьыд – вежӧра.

Шусьӧгъяс 15:8

Лёк вӧчысьлӧн вайӧм висьыс Господьлы зывӧк, веськыда олысьлӧн кевмысьӧмыс Сылы шогмана.

Шусьӧгъяс 21:27

Лёк вӧчысьлӧн висьыс – зывӧктана, торйӧн нин, наянпырысь кӧ висьсӧ вайӧ.

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Ап. уджъяс 10:33

Сэки ме дзик пыр мӧдӧді тэ дінӧ ассьым йӧзӧс. Тэ бура вӧчин, мый локтін. Ми ставным ӧні Ен водзынӧсь да дасьӧсь кывзыны ставсӧ, мый Енмыс тшӧктіс висьтавны тэныд».

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

1 Коринфӧ 11:22

Ті ӧмӧй онӧ вермӧй гортаныд сёйны-юнысӧ? Мыйла нӧ нинӧм туйӧ пуктанныд Енлысь вичкосӧ да увтыртанныд гӧльясӧс? Мый меным шуны тіянлы? Гашкӧ, ошкыны тіянӧс? Ог кут!

Еврейяслы 10:26

Ми кӧ тӧдам збыльсӧ, но тӧдӧмӧн мыж вӧчам, сэки некутшӧм вись оз вешты миянлысь мыжнымӧс.

Яков 1:19

Муса вокъяс, быдӧн мед лоӧ тэрыб кывзыны, но ньӧжмыд сёрнитны да скӧрмыны.

Нав Исус 5:15

Господьлӧн тышкакотырӧн веськӧдлысь шуис Исуслы: «Пӧрччы кӧмтӧ, ӧд тайӧ местаыс, кӧні тэ сулалан, вежа». Исус кывзысис.