Еклесиаст 4:4 - Коми Библия 2023

⁴ Нӧшта ме аддзи, мый быдпӧлӧс удж да быд зільӧм-вермӧм чужтӧ йӧз костын вежалӧм. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:4 Kruisverwysings

Олӧм 26:14

Сылӧн вӧліны ыжъяс, мӧсъяс да уна кесйӧг, мый вӧсна филистимсаяс кутісны вежавны сылы.

Олӧм 31:1

Яков кыліс Лаван пиянлысь сёрнисӧ, Яков пӧ ставсӧ босьтіс батьнымлысь да сы овмӧссянь пӧ озырмӧдчис.

Шусьӧгъяс 27:4

Чорыда скӧрмӧм-ярмӧмтӧ сувтӧдны сьӧкыд, вежӧгтӧмтӧ нинӧм оз сувтӧд.

Еклесиаст 1:14

Ме видзӧдалі став уджсӧ, мый вӧчсьӧ шонді улас. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь.

Еклесиаст 1:17

Ме шуи тӧдмавны, мый сійӧ мывкыдлуныс, вежӧртӧмлуныс да йӧйлуныс. Но гӧгӧрвои, мый тайӧ тӧв бӧрся вӧтлысьӧм кодь.

Еклесиаст 2:21

Овлӧ, мый морт мырсьӧ-уджалӧ, пуктӧ та вылӧ став ассьыс мывкыдлунсӧ, тӧдӧмлунсӧ да кужанлунсӧ, а сэсся сылы лоӧ кольны ставсӧ мӧдлы, коді эз мырсьы-уджав. И тайӧ, вӧлӧмакӧ, весьшӧрӧ да ыджыд лёктор.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:16

Лыдтӧм-тшӧттӧм йӧз сувтіс выль ӧксы дор, но сы бӧрын олысьяс бурӧн эз казьтывны сійӧс. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 6:11

Уна сёрни дырйи ставыс весьшӧрӧ. Мый бурыс таысь мортлы?

Еклесиаст 6:9

Абутӧмсӧ кӧсйӧм дорысь бурджык сійӧ, мый эм син водзад. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Матвей 27:18

Пилат тӧдіс, мый Исусӧс сетісны сы киӧ вежалӧмныс понда.

Ап. уджъяс 7:9

Найӧ вежалісны Ӧсиплы, та вӧсна вузалісны сійӧс Египетӧ. Но Енмыс вӧлі сыкӧд

Яков 4:5

Гашкӧ, ті чайтанныд, мый Гижӧдыс весьшӧрӧ висьталӧ: «Вежӧгтӧмӧн радейтӧ лолыс, коді олӧ миян пытшкын».

1 Иоан 3:12

Огӧ лоӧй Каин кодьӧсь, ӧд сійӧ вӧлі омӧльсяньыс да виис ассьыс воксӧ. Мыйла виис? Каинлӧн уджъясыс вӧліны лёкӧсь, а вокыслӧн – веськыдӧсь.