Еклесиаст 3:19 - Коми Библия 2023

¹⁹ Ӧд мортӧс и пемӧсӧс виччысьӧ ӧти и сійӧ жӧ: ӧтиыс кулӧ, и мӧдыс кулӧ. Ӧтиыс и мӧдыс ловъя дырйиыс лолалӧны, та вӧсна мортыс абу бурджык пемӧсысь – сідзкӧ, ставыс весьшӧрӧ.

Еклесиаст 3:19 Kruisverwysings

Ӧксыяслӧн 2 небӧг 14:14

Ми ставным коркӧ кулам, лоам муӧ кисьтӧм ва кодьӧн, кодӧс бӧр он курав. Но Енмыс оз кӧсйы бырӧдны мортсӧ. Мӧдарӧ, Сійӧ зільӧ сибӧдны ӧтдортӧмаӧс.

Псалтыр 104:29

Налысь васӧ Господь пӧртіс вирӧ, бырӧдіс налысь став черисӧ.

Псалтыр 49:12

Ме кӧ тшыгъялі, Ме эськӧ эг висьтав тэныд, ӧд муюгыдыс да ставыс, мый сэні эм – Менам.

Псалтыр 49:13

Ме ӧмӧй сёя ӧш яй, Ме ӧмӧй юа кӧза вир?

Псалтыр 49:20

Пукалан да удтысян аслад вокыд вылӧ, мамыдлӧн пиыс йылысь суклясян.

Еклесиаст 1:14

Ме видзӧдалі став уджсӧ, мый вӧчсьӧ шонді улас. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь.

Еклесиаст 1:17

Ме шуи тӧдмавны, мый сійӧ мывкыдлуныс, вежӧртӧмлуныс да йӧйлуныс. Но гӧгӧрвои, мый тайӧ тӧв бӧрся вӧтлысьӧм кодь.

Еклесиаст 2:14

Мывкыд морт аддзӧ, кытчӧ мунӧ, а вежӧртӧм шӧйтӧ пемыдас. Но ме тӧдмалі, мый кыкнансӧ виччысьӧ ӧтитор.

Еклесиаст 2:16

Мывкыдаӧс оз кутны казьтывлыны вежӧртӧмӧс дорысь дырджык. Коляс кад, и ставсӧ вунӧдасны. Мывкыдаӧс и вежӧртӧмӧс ӧтмоза кулӧмыс суӧ.

Еклесиаст 7:2

Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.

Еклесиаст 9:12

Мортыд оз тӧд ассьыс оландырсӧ. Тывйыштӧм чериӧс моз, дзугйӧ гартчӧм лэбачӧс моз мортсӧ лоӧ тывйыштӧма сьӧкыд кадӧ, мый виччысьтӧг суас сійӧс.

Еклесиаст 9:2

И тайӧ ӧтмоза инмӧ быдӧнлы: веськыда олысьлы и лёк вӧчысьлы, бур [и лёк] мортлы, сӧстӧм и пеж мортлы, вись вайысьлы и сылы, коді оз вай висьяс. Бур мортӧс суӧ сійӧ жӧ, мый мыж вӧчысьӧс, кыв сетысьӧс – сійӧ жӧ, мый кыв сетны полысьӧс.

Лыд 16:29

Найӧ кӧ куласны, кыдзи став йӧзыс кулӧны, и найӧс кӧ суас сэтшӧм мыждӧм, кутшӧм суӧ став йӧзсӧ, сідзкӧ, эз Господь менӧ мӧдӧд.