Еклесиаст 3:17 - Коми Библия 2023

¹⁷ Ме мӧвпышті: веськыда олысьӧс и лёк вӧчысьӧс кутас мыждыны Ен, ӧд быд вӧчӧмторлы да лоӧмторлы эм аслас кад.

Еклесиаст 3:17 Kruisverwysings

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Еклесиаст 1:16

Ме шуи аслым: «Ме лои ыджыд да мывкыд мортӧн. Ме ёна сюсьджык ставныс дорысь, кодъяс меӧдз юравлісны Ерусалимын. Менам сьӧлӧмӧй тырӧма мывкыдлунӧн да тӧдӧмлунӧн».

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еклесиаст 12:14

Енмыс веськыда мыждас мортӧс быд уджысь, бурсьыс и лёксьыс, весиг сыысь, мый вӧлі гусьӧн вӧчӧма.

Еклесиаст 2:1

Ме кӧсйи тӧдмавны сьӧлӧмӧс гажӧдчӧмын, тшӧкті сылы нимкодясьны бурнас. Но и тайӧ, вӧлӧмакӧ, весьшӧрӧ.

Еклесиаст 3:1

Быдторлы эм аслас кад, енэж улас ставыс вӧчсьӧ аслас кадӧ.

Еклесиаст 8:6

ӧд быдторлы эм аслас кад да аслас мунанног. Мортыд оз тӧд, мый сійӧс виччысьӧ, оз тӧд, кыдзи мый лоӧ. Тӧдтӧмлуныс ёна сьӧктӧдӧ мортӧс. Коді висьталас сылы локтанасӧ?

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Даниил 12:4

Но тэ, Даниил, эн восьт тайӧ кывъяссӧ, а тупкы тайӧ небӧгсӧ печатьӧн, кытчӧдз оз во бӧръя кадыс. Сэки унаӧн лыддясны сійӧс, и налӧн тӧдӧмлуныс содас».

Даниил 12:9

Но сійӧ шуис меным: «Мун, Даниил. Тайӧ кывъяссӧ оз позь восьтны, найӧс лоӧ тупкӧма печатьӧн бӧръя кадӧдзыс.

Матвей 16:27

Морт Пи локтас Батьыслӧн дзирдлунӧн Сылӧн анделъяскӧд да быдӧнлы уджъяс сертиыс мынтысяс.

Иоан 5:22

Батьыс некодӧс оз мыжды. Мыждан вынсӧ Сійӧ сетіс Пиыслы,

Ап. уджъяс 1:7

Сійӧ вочавидзис: «Абу тіян мог тӧдны кадъяс йылысь, Бать индӧ кадъяссӧ.

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

1 Коринфӧ 4:5

Та вӧсна Господь локтӧдз, кадысь водз, некодӧс энӧ мыждӧй. Сійӧ югдӧдас пемыдас дзебӧмасӧ да восьтас мортлысь мӧвпъяссӧ. Сэки быдӧнлы вичмас Енсянь ошкӧмыс.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

1 Фессалоникаӧ 5:1

Вокъяс, урчитӧм кад йывсьыс абу колана гижны тіянлы.

Восьтӧм 11:18

Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 20:2

Сійӧ тшапнитіс гундырӧс, важ змейӧс, да дорис сійӧс сюрс во кежлӧ. Тайӧ гундырыс – омӧль да сӧтана.