Еклесиаст 2:4 - Коми Библия 2023

⁴ Ме вӧчи ыджыд уджъяс: лэпті аслым керкаяс, пукті виноград пуяс,

Еклесиаст 2:4 Kruisverwysings

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Ӧксыяслӧн 2 небӧг 18:18

Ловъя дырйиыс на Авессалом сувтӧдіс аслыс Ӧксы ковтысӧ казьтылан из. Сійӧ шуліс, менам пӧ абу пиӧй, коді эськӧ водзӧ видзис менсьым нимӧс. Изсӧ нимтіс аслас нимӧн. Ӧнӧдз тайӧ казьтылан изйыс шусьӧ ”Авессаломлы из”.

Ӧксыяслӧн 3 небӧг 15:19

«Тэа-меа костын йитӧдным мед лоӧ миян батьяслӧн кодь. Тайӧ эзысь-зарнисӧ ме ыста тэныд козин пыдди. Орӧд израильса Ваас ӧксыкӧд йитӧдтӧ, медым сійӧ ылыстчас менам муысь».

Ӧксыяслӧн 3 небӧг 9:1

Соломон помаліс вӧчны Господьлысь крамсӧ, ассьыс ӧксы керкасӧ да ставсӧ, мый кӧсйис вӧчны.

1 Каднебӧг 27:27

Виноград йӧръяс вӧсна кывкутіс Рамаысь Шимей, а вина видзанінъяс вӧсна – Шефамысь Завдий.

2 Каднебӧг 26:10

Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.

2 Каднебӧг 8:11

Фараонлысь нывсӧ Соломон вуджӧдіс Давид карысь сылы вӧчӧдӧм керкаӧ. Соломон шуис: «Менам гӧтырӧйлы оз позь овны израильса Давид ӧксы керкаын. Тайӧ керкаыс вежа, ӧд татчӧ коркӧ вайлісны Господьлысь Йитӧд кудсӧ».

Псалтыр 49:11

Ме тӧда керӧсвывса став лэбачсӧ, видзвывса став пемӧсыс – Менам.

Сьылан 1:14

– Тэ сэтшӧм мича, мусаӧй, тэнад синмыд гулю кодь. (Ныв:)

Сьылан 7:12

Лок, мусукӧй, мунам видз вылӧ, войсӧ коллялам хна пӧвстын.

Исай 5:1

Ме сьыла муса Ёрт йылысь, тайӧ сьыланкывйыс менам Ёртӧй да Сылӧн виноград йӧр йылысь. Бур муа керӧс вылын быдмис менам Ёртлӧн виноградыс.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.