Еклесиаст 2:22 - Коми Библия 2023

²² Мый сетӧ мортыслы сьӧлӧмсянь тӧждысьӧмыс да став сылӧн мырсьӧм-уджалӧмыс, мый сійӧ вӧчӧ шонді улас?

Еклесиаст 2:22 Kruisverwysings

Псалтыр 127:2

Тэ кутан пӧткӧдчыны аслад кипом уджъясысь, тэ шуда лоан, тэнад ставыс лоӧ бур.

Шусьӧгъяс 16:26

Мортыд уджалӧ, медым кынӧмпӧт перйыны, уджавнысӧ сылы рушкуыс тшӧктӧ.

Еклесиаст 1:3

Мый бурыс мортыслы сылӧн уджалӧмысь, шонді улас мырсьӧм-пессьӧмысь?

Еклесиаст 2:11

Ме видзӧдлі став уджыс вылӧ, мый вӧчис менам киӧй. Вӧлӧмакӧ, ставыс весьшӧрӧ, тӧв бӧрся вӧтлысьӧм кодь, и шонді улас таысь нинӧм бурыс абу.

Еклесиаст 3:9

Мый бурыс мортлы сылӧн уджалӧмысь?

Еклесиаст 4:6

Мырсьӧмӧн да тӧв бӧрся вӧтлысьӧмӧн кык китыр чукӧртӧм дорысь бурджык лӧнь сьӧлӧмӧн ӧти китыр чукӧртны.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еклесиаст 5:17

Ме аддзи, мый мырсян-пессян олӧмас мортлы сёйӧм-юӧм да нимкодясьӧм дорысь бурджыкыс да лӧсьыдджыкыс абу. Мортыс ӧд мырсьӧ-пессьӧ шонді улас Енмӧн сетӧм олан лунъяс чӧж – татшӧм сылӧн олан пайыс.

Еклесиаст 8:15

Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.

Матвей 16:26

Лоас-ӧ мортыслы бур, босьтас кӧ аслыс став муюгыдсӧ, а олӧмсӧ воштас? Вермас-ӧ бӧр ньӧбны ассьыс олӧмсӧ?

Матвей 6:11

Сет миянлы талун кежлӧ няньнымӧс.

Матвей 6:25

«Та вӧсна шуа тіянлы: энӧ майшасьӧй сёян-юан да паськӧм вӧсна. Олӧмныд абу ӧмӧй донаджык сёян-юанысь, а вир-яйныд – паськӧмысь?

Матвей 6:34

Энӧ майшасьӧй аскиа луныс вӧсна, аскиыс ас вӧснаыс тӧждысяс. Быд лунлы тырмӧ аслас тӧждыс».

Лука 12:22

Исус шуис велӧдчысьясыслы: «Та вӧсна шуа тіянлы: энӧ майшасьӧй сёян да паськӧм вӧсна.

Лука 12:29

Энӧ корсьысьӧй, мый сёйны-юны. Энӧ майшасьӧй та вӧсна.

1 Коринфӧ 16:16

кывзысьӧй налысь, тшӧтш накӧд ӧтвыв уджалысьяслысь да кесъялысьяслысь.

Филипӧ 4:6

Нинӧм вӧсна энӧ майшасьӧй. Енсӧ аттьӧалӧмӧн да Сылы кевмысьӧмӧн вайӧй Сы водзӧ став ассьыныд корӧм-кӧсйӧмнытӧ.

1 Тимофейлы 6:8

Эм кӧ сёян-юан да кӧм-пась, сідзкӧ, тырмӧдчам таӧн.

1 Петыр 5:7

Ассьыныд став тӧжд-могтӧ вайӧй Сылы, ӧд Сійӧ тӧждысьӧ тіян вӧсна.