Еклесиаст 12:11 - Коми Библия 2023

¹¹ Мывкыдалӧн кывъясыс ӧшкӧн веськӧдлан ёсь бедь кодьӧсь, шусьӧгъясыс – сатшкысь кӧрттув кодьӧсь. Найӧс лӧсьӧдӧма ачыс ыж видзысьыс.

Еклесиаст 12:11 Kruisverwysings

Олӧм 49:24

но ньӧввужйыс сылӧн эз личавлы, ки сӧнъясыс колины крепыдӧсь, ӧд сылы отсаліс Яковлӧн вына Ен, сійӧс Видзысьыс, Израильлӧн зумыд Изйыс.

Ездра 9:8

Но дженьыд кад кежлӧ Господь, миян Енным, петкӧдліс Ассьыс буралӧмсӧ миян дінӧ. Сійӧ мездіс миян войтырлысь коляссӧ да лэдзис миянлы бӧр овмӧдчыны Аслас вежа карӧ. Миян Енным сетіс югъявны миян синъяслы, кесйӧг туйын оліганым сетіс миянлы ловзьыштны.

Псалтыр 23:1

Давидлӧн псалом. [Сьылӧны вежонса медводдза лунӧ.] Муыс да ставыс, мый сэні эм, муюгыдыс да сэні олысьяс – Господьлӧн.

Псалтыр 80:1

Сьылысьясӧн веськӧдлысьлы. Ворсӧны гефса ворсанторйӧн. Асафлӧн псалом.

Шусьӧгъяс 1:6

гӧгӧрвоас шусьӧгъяссӧ да кывйӧзъяссӧ, мывкыд йӧзлысь шуӧм кывъяссӧ да нӧдкывъяссӧ.

Шусьӧгъяс 10:21

Веськыда олысьлӧн кывйыс унаӧс вердӧ, мывкыдтӧмъяс куласны вежӧртӧмлунныс вӧсна.

Шусьӧгъяс 22:17

Копырт пельтӧ да кывзы мывкыд йӧзлысь кывъяссӧ, бергӧд сьӧлӧмтӧ менам тӧдӧмлунлань.

Еклесиаст 10:12

Мывкыдалӧн сёрниыс сьӧлӧм вылад воӧ, вежӧртӧмлӧн вомыс асьсӧ виӧ.

Еклесиаст 7:5

Вежӧртӧмлысь сьылӧмсӧ кывзӧм дорысь бурджык кывзыны мывкыдалысь ӧлӧдӧмсӧ.

Исай 22:23

Ме вӧча сійӧс зумыдінӧ тувъялӧм кӧрттулӧн, сійӧ нимӧдас батьыслысь рӧдсӧ.

Исай 40:11

Ыж видзысь моз Сійӧ видзӧ Ассьыс чукӧрсӧ, баляясӧс босьтӧ ки вылас да новлӧдлӧ Аслас морӧс бердын, вайсьӧм ыжъясӧс нуӧдӧ тӧждысьӧмӧн.

Еремей 23:29

Менам кывйӧй ӧд би кодь, – висьталӧ Господь, – сійӧ изкырта жуглысь ыджыд мӧлӧт кодь.

Езекиль 34:23

Ме сувтӧда Аслам ыжъяслы видзысьӧс, Ассьым Давид кесйӧгӧс. Сійӧ кутас видзны найӧс да тӧждысьны на вӧсна.

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Иоан 10:14

Ме эм ыжъяслы бур видзысь. Ассьым ыжъясӧс Ме тӧда, и Менам ыжъясӧй тӧдӧны Менӧ.

Иоан 3:10

Исус вочавидзис: «Ачыд тэ – Израиль войтырӧс велӧдысь, а тайӧс весиг он тӧд?

Ап. уджъяс 2:37

Петырлӧн кывъясыс вӧрзьӧдісны йӧзыслысь сьӧлӧмсӧ. Найӧ шуисны Петырлы да мукӧд апостолыслы: «Вокъяс, мый миянлы вӧчнысӧ?»

2 Коринфӧ 10:4

Миян вермасянторным абу мортсянь, сыын эм Енлӧн выныс. Ми жугӧдам сійӧн чорыд мытшӧдъяс, ковтӧм мӧвпъяс,

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

1 Петыр 5:4

Медыджыд Видзысьыс локтас да козьналас тіянлы сісьмытӧм дзирдалан юркытш.