Еклесиаст 11:8 - Коми Библия 2023

⁸ Весиг кӧ тэ олан уна во, нимкодясь став олӧм чӧжыд, но эн вунӧд, мый уна пемыд лун на воас. Ставыс, мый тэныд паныдасяс олӧмад, весьшӧрӧ.

Еклесиаст 11:8 Kruisverwysings

Иов 10:22

Сійӧ муас пемыд да гудыр-гадыр, сэні сап пемыд, весиг югыдыс – пемыд.

Иов 14:10

А мортыс вынтӧммӧ да кулӧ. Кор сылӧн лолыс петас, кӧні сійӧ лоӧ?

Иов 14:12

тадзи тшӧтш мортыд – водӧ да оз нин чеччы. Кытчӧдз лоӧ енэжыс му весьтас, сійӧ оз садьмы, аслас унмысь оз паляв.

Иов 15:23

Сійӧ шӧйтӧ-ветлӧ, нянь шӧрӧм корсьӧ, тӧдӧ, мый пемыдыслӧн луныс матын.

Иов 18:18

Сійӧс лоӧ вӧтлӧма югыдсьыс пемыдӧ, лоӧ шыбитӧма кулӧмаяс дінӧ.

Псалтыр 49:20

Пукалан да удтысян аслад вокыд вылӧ, мамыдлӧн пиыс йылысь суклясян.

Еклесиаст 11:2

Юк озырлунтӧ сизим либӧ кӧкъямыс пельӧ, он ӧд тӧд, кутшӧм сьӧкыд кад пуксяс му вылас.

Еклесиаст 2:15

Ме гӧгӧрвои, мый менӧ виччысьӧ сійӧ жӧ, мый вежӧртӧмӧс. Сідзкӧ, мыйла меным ыджыд мывкыдлуныс? Вӧлӧмакӧ, и тайӧ весьшӧрӧ.

Еклесиаст 2:17

Ме мустӧмті олӧмӧс, ӧд меным зывӧк лои ставыс, мый вӧчсьӧ шонді улас. Ставыс весьшӧрӧ, тӧв бӧрся вӧтлысьӧм кодь.

Еклесиаст 2:19

Код тӧдас, мывкыд морт али вежӧртӧм сійӧ лоӧ. Но сійӧ пондас вӧдитчыны ставнас, мый ме мывкыдлунӧн да сьӧкыда уджалӧмӧн нажӧвиті шонді улас. И тайӧ, вӧлӧмакӧ, весьшӧрӧ.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:16

Лыдтӧм-тшӧттӧм йӧз сувтіс выль ӧксы дор, но сы бӧрын олысьяс бурӧн эз казьтывны сійӧс. И тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еклесиаст 6:11

Уна сёрни дырйи ставыс весьшӧрӧ. Мый бурыс таысь мортлы?

Еклесиаст 6:6

коді оліс эськӧ кык сюрс во да эз нимкодясь аслас эмбурӧн. Оз-ӧ ставныс мунны ӧтилаӧ?

Еклесиаст 7:14

Бур кадӧ нимкодясь, а сьӧкыд кадӧ эн вунӧд, мый ӧтиыс и мӧдыс – Енсянь. Енмыс тадзи лӧсьӧдӧма, медым мортыс нинӧм эз вермы шуны Сылы паныд.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Еклесиаст 8:15

Ме ошки нимкодясьӧм, ӧд мортлы сёйӧм-юӧмысь да нимкодясьӧмысь бурджыкыс шонді улас абу. Нимкодясьӧмыс лоӧ сыкӧд став олан лунъяс чӧжыс, мыйтӧм Енмыс сетӧ сылы мырсьыны-пессьыны шонді улас.

Еклесиаст 9:7

Та вӧсна нимкодясьӧмӧн сёй няньтӧ, долыд сьӧлӧмӧн ю винатӧ, ӧд тайӧс Енмыс сетӧма тэныд.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Йоиль 2:2

Тайӧ луныс сап пемыдӧн вевттьысьӧма, сійӧс кытшалӧма сьӧд кымӧр да сук ру. Асъя югӧр моз паськалӧ керӧсъяс вылын лыдтӧм-тшӧттӧм да вына войтыр. Татшӧм войтырыс эз на вӧвлы, и некор оз ло.

Матвей 22:13

Сэки ӧксы шуас кесйӧгъясыслы: ”Ки-коксӧ кӧрталӧмӧн шыбитӧй сійӧс пемыдас. Сэні лоӧ бӧрдӧм да пинь йирӧм”.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Индӧд 32:29

Вӧліны кӧ мывкыдаӧсь, эськӧ казялісны тайӧс, эськӧ гӧгӧрвоисны, мый найӧс виччысьӧ.

Иуда 1:18

Найӧ шулісны тіянлы, мый бӧръя кадӧ локтасны лёкӧдысьяс, кодъяс олӧны асланыс пеж кӧсйӧмныс серти.