Еклесиаст 10:14 - Коми Библия 2023

¹⁴ Вежӧртӧм морт уна сёрнитӧ, оз тӧд, мый сійӧс виччысьӧ. Коді нӧ висьталас сылы, мый лоӧ сылӧн кулӧм бӧрын?

Еклесиаст 10:14 Kruisverwysings

Иов 34:37

Мыж дінас сійӧ содтӧ нӧшта на Енлы паныд кыпӧдчӧм, серам туйӧ пуктӧ миянӧс да водзӧ мыжалӧ Енсӧ.

Иов 35:16

сідзкӧ, Иов весьшӧрӧ вомсӧ восьтіс, шыбласис мӧвпышттӧм кывъяснас.

Шусьӧгъяс 10:19

Бызгысь вомаыд мыжӧ усьӧ, вомсӧ тупкысьыд – вежӧра.

Шусьӧгъяс 15:2

Мывкыд морт бурсӧ висьталӧ, вежӧртӧм вомнас быгзьӧ.

Еклесиаст 10:15

Вежӧртӧмӧс уджалӧмыс мудзтӧдӧ, сійӧ весиг оз тӧд, кыдзи бӧр воӧдчыны карӧдз.

Еклесиаст 3:22

Ме гӧгӧрвои, мый мортлы бурджык нимкодясьны аслас уджъясӧн, ӧд тадзи лӧсьӧдӧма олӧмсӧ. Коді нӧ бӧр вайӧдас сійӧс, медым видзӧдлыны, мый лоӧ сылӧн олӧм помасьӧм бӧрын?

Еклесиаст 5:3

Кывтӧ кӧ сетін Ен водзын, тэрмась вӧчнытӧ, ӧд вежӧртӧм абу шогмана Енлы. Сідзкӧ, кӧсйысин кӧ, вӧч.

Еклесиаст 6:12

Коді тӧдӧ, мый бурджык мортыслы, кодлӧн олӧмыс мунӧ вуджӧр моз весьшӧрӧ? Коді вермас висьтавны мортлы, мый лоӧ сы бӧрын шонді улас?

Еклесиаст 7:14

Бур кадӧ нимкодясь, а сьӧкыд кадӧ эн вунӧд, мый ӧтиыс и мӧдыс – Енсянь. Енмыс тадзи лӧсьӧдӧма, медым мортыс нинӧм эз вермы шуны Сылы паныд.

Еклесиаст 9:1

Ме ёна мӧвпалі да гӧгӧрвои, мый веськыда олысьяс, мывкыда йӧз да налӧн уджъясыс – Ен киынӧсь. Мортыс оз тӧд, радейтӧм али мустӧмтӧм сійӧс виччысьӧ.

Езекиль 35:13

Ті вылӧ кыпӧдінныд асьнытӧ Ме водзын, ышнясьӧмӧн сёрнитінныд Меным паныд. Ме ставсӧ тайӧс кывлі.