Еклесиаст 1:16 - Коми Библия 2023

¹⁶ Ме шуи аслым: «Ме лои ыджыд да мывкыд мортӧн. Ме ёна сюсьджык ставныс дорысь, кодъяс меӧдз юравлісны Ерусалимын. Менам сьӧлӧмӧй тырӧма мывкыдлунӧн да тӧдӧмлунӧн».

Еклесиаст 1:16 Kruisverwysings

Ӧксыяслӧн 3 небӧг 10:7

Сэки ме эг эскы, а ӧні эска, ӧд аслам синмӧн ставсӧ аддзылі. Меным, вӧлӧмкӧ, сӧмын мыйтакӧ висьтавлӧмаӧсь тэнад мывкыдлуныд йылысь. Тэнад мывкыдлуныд да озырлуныд ёна унджык на менам кывлӧм дорысь.

Ӧксыяслӧн 3 небӧг 4:30

Соломонлӧн мывкыдлуныс вӧлі ёна ыджыдджык асыввылын олысь да Египетын олысь мывкыда йӧзлӧн дорысь.

Ӧксыяслӧн 3 небӧг 5:9

Менам йӧз лэччӧдасны керъяссӧ ливанса керӧсъяс вылысь саридз дорӧ. Сэсся саридз кузя пурйӧн ме кылӧда найӧс сэтчӧ, кытчӧ шуан. Сэні ме тшӧкта разьны пуръяссӧ, а тэ сэсся ачыд сэтысь керъяссӧ босьтан. Но менам тшӧтш эм тэ дінӧ корӧм. Кора вайны менам керкаӧ сёян-юан».

Ӧксыяслӧн 4 небӧг 5:20

Енлӧн морт Елисейлӧн Гезий кесйӧгыс мӧвпыштіс: «Сыысь, мый арамей Нееман вайліс, менам ыджыдӧй нинӧм эз босьт. Ловъя Господь водзын шуа: котӧртла Нееман бӧрся. Гашкӧ, сійӧ мыйкӧ сетас меным».

2 Каднебӧг 2:12

Хирам нӧшта содтіс: «Ошкӧм Господьлы, Израильлӧн Енлы, коді вӧчис енэжсӧ и мусӧ. Давид ӧксылы Сійӧ сетіс мывкыд пиӧс. Сылӧн пиыс сюсь вежӧра, сійӧ вӧчас Господьлы крам да аслыс ӧксы керка.

Псалтыр 4:4

Тӧдӧй, мый Господь торйӧдіс Аслыс эскана кесйӧгӧс, Господь кылӧ, кор ме шыася Сы дінӧ.

Псалтыр 77:6

медым тӧдісны та йылысь на бӧрся чужысьяс, медым насянь чужысьяс сэсся висьтавлісны асланыс челядьлы.

Еклесиаст 2:1

Ме кӧсйи тӧдмавны сьӧлӧмӧс гажӧдчӧмын, тшӧкті сылы нимкодясьны бурнас. Но и тайӧ, вӧлӧмакӧ, весьшӧрӧ.

Еклесиаст 2:15

Ме гӧгӧрвои, мый менӧ виччысьӧ сійӧ жӧ, мый вежӧртӧмӧс. Сідзкӧ, мыйла меным ыджыд мывкыдлуныс? Вӧлӧмакӧ, и тайӧ весьшӧрӧ.

Еклесиаст 2:9

Ме лои ёна ыджыд да озыр на дорысь, кодъяс меӧдз юравлісны Ерусалимын. Но ме эг вошты мывкыдлунӧс.

Еклесиаст 3:17

Ме мӧвпышті: веськыда олысьӧс и лёк вӧчысьӧс кутас мыждыны Ен, ӧд быд вӧчӧмторлы да лоӧмторлы эм аслас кад.

Еремей 22:14

Сійӧ шуалӧ, ме пӧ кыпӧда аслым ыджыд керка, вӧча ыджыд жыръяс. Сійӧ вӧчӧ ӧшиньяс, эжӧ керкасӧ сус пуӧн да мавтӧ сійӧс гӧрд краскаӧн.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Еврейяслы 5:14

Но тыр арлыдаяслы колӧ пӧткӧдчыны чорыд сёянӧн, ӧд найӧ вермӧны нин торйӧдны бурсӧ да лёксӧ.