Ефесӧ 6:21 - Коми Библия 2023

²¹ Медым ті тӧдінныд менам олӧм-вылӧм йылысь, ставсӧ тіянлы висьталас Тихик. Сійӧ – менам муса вок, Господьлӧн эскана кесъялысь.

Ефесӧ 6:21 Kruisverwysings

Ап. уджъяс 20:4

Асияӧдз Павелӧс колльӧдісны Верияысь Пирлӧн Сопатр пиыс, Фессалоникаысь Аристарк да Секунд, Дервияысь Гай, Тимофей да Асияысь Тихик Трӧпимкӧд.

1 Коринфӧ 4:17

Ме мӧдӧді тіян дінӧ Тимофейӧс. Господь пытшкын сійӧ менам муса пи да эскана кесъялысь. Сійӧ казьтыштас тіянлы Кристоскӧд менам ӧтувъя олӧм йылысь. Та йылысь ме велӧда быдлаын, быд вичкоын.

Филипӧ 1:12

Вокъяс, кӧсъя, мед ті тӧдінныд, мый мекӧд лоӧмторъясыс ёнджыка на отсалісны меным висьтавлыны Бур Юӧрсӧ.

Колосӧ 1:7

Ті кылінныд тайӧс миян муса Епафрас уджъёртсянь, коді уджалӧ тіян пӧвстын. Сійӧ – Кристослӧн эскана кесъялысь.

1 Тимофейлы 4:6

Туйдӧд тадзи вокъястӧ, сэки тэ лоан Исус Кристослӧн бур кесъялысьӧн. Тадзи тшӧтш асьтӧ пӧткӧдан эскӧмлӧн кывъясӧн да бур велӧдӧмӧн, мый серти олан.

2 Тимофейлы 4:12

Тихикӧс ме мӧдӧді Ефесӧ.

Титлы 3:12

Ӧртемӧс либӧ Тихикӧс кор мӧдӧда тэ дінӧ, тэрмась волыны ме дінӧ Никопольӧ. Сэні тай шуи тӧвйынысӧ.

Филимонлы 1:16

Сибӧдін эн нин кесйӧгӧс моз, но кесйӧгысь донаджыкӧс – муса вокӧс моз. Меным сійӧ ёна муса. Но тэныд сійӧ ёна мусаджык на, ӧд сійӧ ас морт кодь, нӧшта Господь пытшкын вок.

1 Петыр 5:12

Тайӧ дженьыдик гижӧдсӧ ме гижи тіянлы Силуан вок отсӧгӧн, кодлы позьӧ эскыны. Кӧсъя эскӧдны да ышӧдны тіянӧс: кутчысьӧй Енлӧн збыль буралӧмас, кодӧс сетӧма тіянлы.

2 Петыр 3:15

Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным.