Ефесӧ 6:20 - Коми Библия 2023

²⁰ Енмыс мӧдӧдіс менӧ висьтавлыны Бур Юӧрсӧ, та понда ӧні ме дзескыдінын. Кевмысьӧй ме вӧсна, медым висьтавлі сійӧс повтӧг да колана ногӧн.

Ефесӧ 6:20 Kruisverwysings

Шусьӧгъяс 13:17

Вежӧра морт тӧдӧмлуннас олӧ, а вежӧртӧм петкӧдлӧ ассьыс вежӧртӧмлунсӧ.

Исай 33:7

Со, вынаяс горзӧны ывлаын, лӧньлунсӧ юӧртысьяс курыда бӧрдӧны.

Исай 58:1

Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Еремей 1:17

Но тэ чеччы, вӧнясь да висьтав Иуда муын олысьяслы ставсӧ, мый Ме тшӧкта тэныд. Эн пов наысь. А повзян кӧ, сэки Ме повзьӧда тэнӧ налӧн син водзын.

Еремей 40:1

Еремейӧс вӧлі дорӧма чепъясӧн да нуӧдӧма Рама карӧ. Сійӧ вӧлі пленӧ босьтӧмаяс пӧвстын, кодъясӧс вӧлі нуӧдӧны Ерусалимысь да Иудаысь Вавилонӧ. Рама карын Еремейлы вӧлі Господьсянь кыв сы бӧрти, кор Навузардан, ӧксыӧс видзысьяслӧн юралысь, лэдзис сійӧс вӧля вылӧ.

Ап. уджъяс 21:33

Веськӧдлысь матыстчис Павел дінӧ, сэсся тшӧктіс босьтны сійӧс да дорны чепъясӧн. Ачыс юасис, коді сійӧ да мый сійӧ вӧчис.

Ап. уджъяс 26:29

«Ӧдйӧ ли, ог ли, но кевма Енлы, мед тэ да ті ставныд, менӧ кывзысьяс, лоинныд ме кодьӧсь, сӧмын тайӧ чепъястӧгыс», – шуис Павел.

Ап. уджъяс 28:20

Та понда ме и кӧсйи аддзӧдчывны да сёрнитыштны тіянкӧд, ӧд ме пукала сійӧ Мортыс вӧсна, код вылӧ Израиль кутӧ лачасӧ».

Ап. уджъяс 28:31

Сійӧ повтӧг да восьсӧн висьтавліс волысьяслы Енлӧн Юралӧм йылысь да велӧдіс Господь Исус Кристос йылысь.

Ап. уджъяс 5:29

Петыр да мукӧд апостолъяс вочавидзисны: «Мортыслы ёнджыка колӧ кывзыны Енмӧс, а оз мортӧс.

2 Коринфӧ 3:12

Та вылӧ лача кутӧмӧн ми сёрнитам повтӧг.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

Ефесӧ 3:1

Та вӧсна ме, Павел, Исус Кристослӧн кесъялысь, пукала дзескыдінын тіян вӧсна, кодъяс мукӧд войтыръясысь.

Ефесӧ 4:1

Ме, Господьлы кесъялӧм вӧсна дзескыдінын пукалысь, кора тіянӧс: олӧй сідзи, кыдзи колӧ овны Енлӧн корӧмаяслы.

Ефесӧ 6:19

Кевмысьӧй тшӧтш ме вӧсна, медым сёрнитігам Енмыс сетіс меным колана кывъяс повтӧг висьтавны Бур Юӧрлысь гусяторсӧ.

Филипӧ 1:20

Лача кута, мый меным нинӧмысь лоӧ яндысьнысӧ, но воддза мозыс лоа повтӧмӧн да кута водзӧ вайны Кристослы ошкӧмсӧ аслам вир-яйын – олӧмӧн али кулӧмӧн.

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

Колосӧ 4:3

Кевмысьӧй тшӧтш миян вӧсна, Енмыс мед восьтас миянлы ӧдзӧсъяс висьтавны Кристос йылысь гусяторсӧ. Дзик та вӧсна ме и пукала дзескыдінын.

Колосӧ 4:4

Кевмысьӧй, медым ме верми восьтны гусяторсӧ да колана ногӧн висьтавны сійӧс.

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

2 Тимофейлы 1:16

Господь мед лоас бур сьӧлӧма Ӧнисифорлӧн гортса дінӧ, ӧд сійӧ унаысь ышӧдліс менӧ да эз яндысьлы менам пукалӧмысь.

2 Тимофейлы 2:9

Тайӧ юӧр вӧснаыс ме и нуа сьӧкыдсӧ. Менӧ дорисны лёк вӧчысьӧс моз, но Енлысь кывсӧ абу дорӧма.

Филимонлы 1:10

кора тэнӧ Ӧнисим пиӧй вӧсна. Сійӧс ме чужті тані дзескыдінын.

Филимонлы 1:9

но муслунӧй вӧсна шыася тэ дінӧ корӧмӧн. Ме, пӧрысь Павел, Исус Кристос вӧсна пукалысь,

1 Иоан 3:16

А муслунсӧ ми тӧдмалім сы серти, мый Кристос сетіс Ассьыс олӧмсӧ миян вӧсна. Сідзкӧ, миянлы тшӧтш колӧ сетны олӧмнымӧс вокъясным вӧсна.

Иуда 1:3

Мусаяс, ме ёна кӧсйи гижны тіянлы миян ӧтувъя мездмӧм йылысь, но лыдди коланаӧн водзджык туйдӧдны тіянӧс, медым ті вӧлінныд дасьӧсь дорйыны ассьыныд эскӧмнытӧ. Тайӧ эскӧмсӧ Енмыс сетіс вежа войтырлы ӧтчыд да пыр кежлӧ.