Ефесӧ 4:9 - Коми Библия 2023

⁹ Мый лоӧ ”кыпӧдчӧмыс”? Оз-ӧ сійӧ, мый водзынджык Сійӧ лэччыліс му пыдӧсӧдзыс.

Ефесӧ 4:9 Kruisverwysings

Олӧм 11:5

Господь лэччис видзӧдлыны лэптан карсӧ да башнясӧ.

Псалтыр 63:9

Налӧн кывйыс уськӧдас найӧс асьнысӧ кок йывсьыныс, и тайӧс аддзысьяс бергӧдчасны наысь.

Псалтыр 8:5

сэки мӧвпала: мортыс – коді сэтшӧмыс, мый Тэ казьтывлан сійӧс, мортлӧн пиыс – коді сэтшӧмыс, мый Тэ тӧждысян сы вӧсна?

Петӧм 19:20

Синай керӧс вылӧ лэччӧм бӧрын Господь корис Мӧисейӧс кайны сэтчӧ. Мӧисей кайис.

Шусьӧгъяс 30:4

Коді кыпӧдчывліс енэжас да лэччыліс сэтысь? Коді киас вермӧ кутны тӧвсӧ? Коді гартыштіс васӧ дӧраӧн? Коді доргӧгӧраліс мусӧ? Кыдзи сійӧс шуӧны? Кыдзи шуӧны сылысь писӧ? Тӧдан-ӧ?

Исай 44:23

Нимкодясьӧй, енэжъяс, ӧд Господь вӧчис тайӧс. Гораа горӧдӧй, му пыдӧсъяс, гораа нимкодясьӧй, керӧсъяс, нимкодясьӧй, вӧр да вӧрса пуяс, ӧд Господь ньӧбис Яковӧс, Господьӧс лоӧ нимӧдӧма Израильӧс мездӧм пыр.

Езекиль 31:14

Тайӧ ставыс лои сы вӧсна, медым ва бокын быдмысь пуяс оз вылӧ кыпӧдчыны да туганнас мед оз нюжӧдчыны мукӧд пуясысь вылӧджык. Ваӧн юкталӧм ыджыд пуяс мед оз быдмыны вывті джуджыда. Ставныслы шуӧма кувны, найӧс лоӧ шыбитӧма му пыдӧсас, кулӧмаяс пӧвстӧ.

Матвей 12:40

Куим лун да куим вой Иона вӧлі ыджыд чери рушкуын. Тадзи куим лун да куим вой Морт Пи лоӧ му пыдӧсын.

Иоан 20:17

Исус шуис сылы: «Эн инмӧдчы Ме дінӧ, Ме ӧд эг на кыпӧдчы Батьӧй дінӧ. Мун Менам вокъяс дінӧ да висьтав налы, мый Ме кыпӧдча Аслам Батьӧй да тіян Батьныд дінӧ, Аслам Енмӧй да тіян Енныд дінӧ».

Иоан 3:13

Енэжас олысь да енэжсянь лэччӧм Морт Пиысь кындзи енэжас некод на эз кыпӧдчыв.

Иоан 6:33

Енлӧн няньыс лэччӧ енэжсянь да сетӧ йӧзыслы олӧм».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Иоан 6:41

Иудейяс дӧзмисны, кор Исус шуис, мый Сійӧ енэжсянь лэччӧм нянь.

Иоан 6:51

Ме эм енэжсянь лэччӧм ловъя нянь. Тайӧ няньсӧ сёйысь помтӧг олӧ. Няньыс, кодӧс Ме сета, – тайӧ Менам яй. Ме сета сійӧс йӧзыслӧн олӧм вӧсна».

Иоан 6:58

Тайӧ – енэжсянь лэччӧм нянь, мӧдсикас сёян. Тіян батьясныд сёйисны манна да кулісны, а тайӧ няньсӧ сёйысь помтӧг олӧ».

Иоан 6:62

Мый эськӧ шуанныд, аддзанныд кӧ Морт Пилысь кыпӧдчӧмсӧ сэтчӧ, кӧні Сійӧ вӧлі водзынджык?

Иоан 8:14

Исус вочавидзис: «Ме кӧ висьтала Ас йылысь, Менам висьталӧмӧй веськыд, ӧд Ме тӧда, кытысь локті да кытчӧ муна. А ті онӧ тӧдӧй, кытысь Ме локті да кытчӧ муна.

Еврейяслы 2:7

Сӧмын дженьыд кад кежлӧ Тэ пуктін сійӧс анделъяс дорысь улӧджык, мичмӧдін сійӧс дзирдлунӧн да нимӧдӧмӧн. Тэ сувтӧдін сійӧс веськӧдлыны Аслад вӧчӧмторъяснад,

Еврейяслы 2:9

Но ми аддзам Исусӧс, кодӧс дженьыд кад кежлӧ вӧлі улӧджык пуктӧма анделъяс дорысь. Енлӧн буралӧмыс вӧсна Сійӧ куліс став йӧзыс понда. Тайӧ сьӧкыда кулӧм вӧснаыс Исусӧс ӧні мичмӧдӧма дзирдлунӧн да нимӧдӧмӧн.