Ефесӧ 3:6 - Коми Библия 2023

⁶ Тайӧ гусяторйыс татшӧм: иудейяс моз ентӧдтӧмъяс тшӧтш босьтасны Енсянь вичмӧдӧмасӧ, ӧд Бур Юӧр кылӧм бӧрын найӧ ӧтувтчисны Исус Кристоскӧд. Сідзкӧ, найӧ – ӧти вир-яйлӧн юкӧнъяс, налы тшӧтш вичмӧ Енлӧн кӧсйысьӧмыс.

Ефесӧ 3:6 Kruisverwysings

Езекиль 47:22

Тіянлы колӧ пудъясьӧмӧн юклыны мусӧ аслыныд да йӧз муысь локтысьяслы, кодъяслӧн чужасны ныв-пиныс. Тайӧ йӧзыс мед лоӧны тіянлы израильса вужвойтыр кодьӧсь жӧ. Налы мед тшӧтш вичмас му пай Израиль чужанкотыръяс пӧвстын.

1 Коринфӧ 12:12

Босьтны кӧ мортлысь вир-яйсӧ, сійӧ артмӧма уна юкӧнысь, но ӧтвылысь найӧ артмӧдӧны ӧти вир-яй. Тайӧс позьӧ шуны тшӧтш Кристос йылысь.

1 Коринфӧ 12:27

Ӧтвылысь ті лоанныд Кристослӧн вир-яйӧн, а торйӧнсӧ – Сылӧн юкӧнъясӧн.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Галатӧ 5:24

Кодъяс Кристослӧн, найӧ тувъялісны вир-яйсӧ став сылӧн лёк кӧсйӧмнас.

Ефесӧ 3:3

Восьтӧмыс пыр Енмыс сетіс меным тӧдны Ассьыс гусяторсӧ. Та йылысь ме вылынджык дженьыдика гижи нин.

Ефесӧ 5:30

ӧд ми – Сы вир-яйлӧн юкӧнъяс.

Ефесӧ 5:7

Татшӧмъясыскӧд энӧ ӧтувтчӧй!

Колосӧ 2:19

Тайӧ йӧзыс абу йитчӧмаӧсь Юрыскӧд. Юрыс ӧд веськӧдлӧ став вир-яйнас, кӧні быд юкӧн йитӧма-тэчӧма сӧн-лутш отсӧгӧн. Тадзи вир-яйыс быдмӧ-сӧвмӧ Ен ногӧн.

1 Иоан 1:3

Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд.

1 Иоан 2:25

А Пиыс кӧсйысис сетны миянлы помтӧм олӧм.