Ефесӧ 3:12 - Коми Библия 2023

¹² Ми – Кристос пытшкынӧсь, Сылы эскӧм пыр ми повтӧг-майшасьтӧг вермам локны Ен дінӧ.

Ефесӧ 3:12 Kruisverwysings

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Римӧ 3:22

Исус Кристослы эскӧм пыр сетӧма веськыдлунсӧ быд эскысьлы, Енмыс некодӧс оз торйӧд.

Римӧ 5:2

Эскӧм пыр Кристос восьтіс миянлы Енлӧн буралӧмӧ ӧдзӧссӧ. Буралӧмас олігӧн ми лача кутӧмӧн нимкодясям, ӧд лоам Енлӧн дзирдлунас.

2 Коринфӧ 3:4

Татшӧм зумыд лача ми кутам Ен вылӧ Кристос пыр.

Ефесӧ 2:18

Та вӧсна ми быдӧн, иудейяс да мукӧд войтыр, Кристос пыр вермам локны Бать дінӧ, ӧд миянӧс ставнымӧс йитӧ ӧти Лов.

Еврейяслы 10:35

Сідзкӧ, лоӧй повтӧмӧсь! Ӧд таысь тіянлы вичмас ыджыд тырдон.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

1 Иоан 2:28

Челядь, лоӧй Сы пытшкынӧсь, медым Сылӧн локтігӧн ми вӧлім повтӧмӧсь, мед эз вӧв яндзим миянлы сувтны Сы водзӧ.

1 Иоан 3:21

Мусаясӧй, сьӧлӧмным кӧ оз мыжды миянӧс, ми вермам повтӧг локны Ен водзӧ.