Ефесӧ 2:15 - Коми Библия 2023

¹⁵ тадзи Аслас вир-яйнас бырӧдіс на костысь лёксьӧмсӧ. Сійӧ пуктіс пом Индӧдлы да сэтчӧ пырысь быд тшӧктӧмлы да велӧдӧмлы, медым иудейясӧс да мукӧд войтырӧс бурӧдны ӧта-мӧдныскӧд. Сійӧ йитіс найӧс Аскӧдыс да вӧчис наысь ӧти выль олысьӧс.

Ефесӧ 2:15 Kruisverwysings

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Галатӧ 3:10

А Индӧдӧ кутчысьысьяс ёрӧм улынӧсь. Ӧд гижӧма: «Ёрӧм улӧ веськалӧ быдӧн, коді оз ов став тшӧктӧмыс серти, мый гижӧма Индӧд небӧгӧ».

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Галатӧ 6:15

Тэ кӧ Исус Кристос пытшкын, вундыштчӧмыд-ӧ, абу-ӧ вундыштчӧмыд – тайӧ нинӧм оз сет. Колӧ, медым выль морт тэ вӧлін.

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Ефесӧ 2:14

Кристос – миянлы бурасян йитӧдыс. Сійӧ ӧтувтіс иудейясӧс да мукӧд войтырӧс ӧти войтырӧ да жугӧдіс шӧракостсьыс мытшӧдсӧ,

Ефесӧ 2:16

Крест вылын кувлӧмнас Сійӧ бырӧдіс лёксьӧмсӧ. Тадзи ӧти вир-яйын Кристос бурӧдіс Енмыскӧд кыкнан войтырсӧ.

Ефесӧ 4:16

Сійӧ йитӧ вир-яйлысь став юкӧнсӧ ӧтиӧ, тадзи артмӧ ӧти вир-яй. А юкӧнъясыс топыда йитчӧмаӧсь ӧта-мӧдныскӧд, и быд юкӧн вӧчӧ ассьыс удж. Тадзи муслуныс отсӧгӧн ставнас вир-яйыс быдмӧ-сӧвмӧ.

Колосӧ 2:14

вуштыштіс мыжалан гижӧдсӧ став тшӧктӧмъяснас, кодъяс сьӧктӧдісны миянӧс, бырӧдіс сійӧс крестӧ тувъялӧмӧн.

Колосӧ 2:20

Ті кӧ кулінныд Кристоскӧд, мынінныд муюгыд вынъясысь, сідзкӧ, мыйла мувывсаяс моз кутчысянныд тайӧ шуӧмъясас:

Колосӧ 3:10

да вежсинныд выль мортӧ. Татшӧм мортыс выльмӧ, медым тӧдны ассьыс Вӧчысьсӧ да лоны Сы кодьӧн жӧ.

Колосӧ 3:11

Грек-ӧ тэ либӧ иудей, вундыштчӧмыд-ӧ либӧ абу вундыштчӧмыд, варвар-ӧ либӧ скиф, кесйӧг-ӧ либӧ мездлуна морт – торъялӧмыс абу. Ставыс да ставас Кристос.

Колосӧ 3:15

Тіян сьӧлӧмын мед ыджыдалас Енлӧн лӧньлуныс, кытчӧ корӧма тіянӧс, ті ӧд ӧти вир-яйынӧсь. Быд кадӧ ошкӧй Енмӧс.

Еврейяслы 7:16

Сійӧ лоис Аркирейӧн эз Индӧд тшӧктӧм серти, кӧні гижӧма поп чужанкотыр йылысь, а помтӧм олӧмлӧн вынсянь.

Еврейяслы 8:13

Тайӧ йитӧдсӧ Енмыс шуис Выль Йитӧдӧн. Тадзи Енмыс петкӧдліс, мый воддза йитӧдыс важмис. А ставыс, мый важмӧма да ковтӧм, регыд бырӧ.

Еврейяслы 9:23

Сідзкӧ, ставсӧ тайӧс, мый енэжвывса кодь, колӧ вӧлі сӧстӧммӧдны татшӧм ногӧн. А енэжвывсаыслы колана бурджык вись.