Ефесӧ 2:12 - Коми Библия 2023

¹² Сэки ті олінныд Кристостӧг, энӧ вӧлӧй Израиль войтырӧн. Енма-тіа костын йитӧдыс эз вӧв, тіянлы эз вичмыв Сылӧн кӧсйысьӧмыс, ті олінныд тайӧ муюгыдас Енсӧ тӧдтӧг да лачатӧг.

Ефесӧ 2:12 Kruisverwysings

Олӧм 15:18

Тайӧ лунӧ Господь кӧрталіс Ӧврамкӧд йитӧд. Господь шуис: «Египет юсянь ыджыд Ефрат юӧдз Ме сета тэсянь чужысьяслы тайӧ мусӧ,

2 Каднебӧг 15:3

Дыр кад чӧж Израиль войтыр оліс збыль Ентӧг да Индӧдтӧг, налӧн эз вӧвны туйдӧдысь попъяс.

Ездра 4:3

Зоровавель, Исус да израильса мукӧд рӧдкутысьяс вочавидзисны: «Миянкӧд тшӧтш ті онӧ кутӧй лэптыны миян Енлы крамсӧ. Ми асьным лэптам сійӧс Господьлы, Израильӧн Енлы, кыдзи тшӧктіс миянлы персияса Кир ӧксы».

Петӧм 12:45

Оз позь сёйны налы, кодъяс йӧз муысь локтісны тіян пӧвстӧ овны либӧ уджавны.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 61:5

Йӧз муысь локтысьяс пондасны видзны тіянлысь ыжъяснытӧ, мукӧд войтыр пондас вӧдитны мунытӧ да винограднытӧ.

Еремей 14:8

Тэ – Израильлӧн лачаыс, сьӧкыд кадӧ сійӧс Мездысьыс. Мыйла Тэ тайӧ муас йӧз муысь локтысь кодь, войсӧ коллявны сувтлысь кодь?

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Езекиль 13:9

Ме лэпта киӧс да мыжда пророкъясӧс, кодъяс абутӧмсӧ аддзӧны да ылӧгсӧ юӧртӧны. Менам войтырлӧн чукӧртчӧмын налы лоны оз позь, Израиль войтырлӧн небӧгӧ найӧс оз гижны, Израиль муӧ найӧ оз пырны. Сэки ті тӧдмаланныд, мый Ме – Господь Ыджыдыс.

Езекиль 37:26

Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Езекиль 47:22

Тіянлы колӧ пудъясьӧмӧн юклыны мусӧ аслыныд да йӧз муысь локтысьяслы, кодъяслӧн чужасны ныв-пиныс. Тайӧ йӧзыс мед лоӧны тіянлы израильса вужвойтыр кодьӧсь жӧ. Налы мед тшӧтш вичмас му пай Израиль чужанкотыръяс пӧвстын.

Осий 3:4

Израиль войтыр дыр кад чӧж кутас овны ӧксытӧг да юралысьтӧг. Висьяс, юрбитан изъяс, ефод да гортса бӧлбанъяс оз лоны налӧн.

Лыд 18:19

Став вежа вайӧмторсӧ, мый Израиль пиян вайӧны Меным, Ме сета тэныд да тэнад ныв-пилы. Тайӧ тшӧктӧмыс нэмъяс кежлӧ. Тэныд да тэсянь чужысьяслы тайӧс кӧсйысьӧма нэмъяс кежлӧ, и тайӧ Господь водзын кӧрталӧм вежсьывлытӧм йитӧд кодь».

Лука 1:72

лоны бур сьӧлӧмаӧн миян батьяс дінӧ да кутны тӧд вылас Ассьыс вежа йитӧдсӧ,

Иоан 10:16

Тайӧ йӧрас кындзи Менам эмӧсь мукӧд ыжъяс, найӧс Меным тшӧтш колӧ вайӧдны. Найӧ кыласны Менсьым гӧлӧс шыӧс, сэки лоас ӧти чукӧр да ӧти видзысь.

Иоан 15:5

Ме эм виноград пуыс, ті – увъясыс. Коді олӧ Ме пытшкын, а Ме сы пытшкын, сійӧ вайӧ уна вотӧс. Ӧд Метӧг ті нинӧм онӧ вермӧй вӧчнысӧ.

Иоан 4:22

Ті, самарияса войтыр, копрасянныд Сылы, кодӧс онӧ тӧдӧй. А ми копрасям Сылы, кодӧс тӧдам, ӧд мездмӧмыс воӧ иудейяссянь.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Ап. уджъяс 28:20

Та понда ме и кӧсйи аддзӧдчывны да сёрнитыштны тіянкӧд, ӧд ме пукала сійӧ Мортыс вӧсна, код вылӧ Израиль кутӧ лачасӧ».

Ап. уджъяс 3:25

Ті – пророкъяслӧн ныв-пи, тіянлы вуджӧ йитӧдыс, мый Ен кӧрталіс тіян батьяскӧд, кор шуис Ӧвраамлы: ”Тэсянь чужысь пыр вуджас бурсиӧмыс мувывса быд войтырлы”.

Римӧ 9:8

Сідзкӧ, Енлӧн ныв-пиыс абу мортсянь, но Ен кӧсйысьӧмсянь чужысьяс.

Галатӧ 4:8

Кор ті энӧ на тӧдӧй Енсӧ, вӧлінныд мукӧд енъяслӧн кипод улынӧсь. Збыльвылас, найӧ абу енъяс.

Ефесӧ 2:19

Сідзкӧ, ті абу нин бокысаяс да кыськӧ локтысьяс, ті – ас йӧз вежа войтырлы да ныв-пи Енмыслы.

Ефесӧ 4:18

вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.

Колосӧ 1:21

Коркӧ ті вӧлінныд Енмыслы паныд сувтысьяс, лёк вӧчӧмныд вӧсна Сыысь ылынӧсь.

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

Колосӧ 1:5

Тайӧ тіян эм, ӧд ті оланныд енэжас дасьтӧмаыс вылӧ лачаӧн. Лача йывсьыс ті кывлінныд нин, кор тіянӧдз воис Бур Юӧрлӧн збыль кывйыс.

1 Фессалоникаӧ 4:13

Вокъяс, кӧсъя, мед ті тӧдінныд, мый лоӧ кулӧмаяскӧд. Сэки эскытӧмъяс моз онӧ кутӧй шогсьыны кулӧмаяс йылысь, ӧд эскытӧмъяслӧн лачаныс абу.

1 Фессалоникаӧ 4:5

медым ентӧдтӧмъяс моз некод оз сетчы ыпъялан лёкколӧмас, ӧд Енсӧ найӧ оз тӧдны.

2 Фессалоникаӧ 2:16

Ен Батьнымлы ми ёна мусаӧсь. Буралӧмыс вӧсна Сійӧ сетіс миянлы пыр кежлӧ бурӧдӧм да зумыд лача. Ачыс Исус Кристос Господьным да Ен Батьным

1 Тимофейлы 1:1

Гижӧ Павел, Исус Кристослӧн апостол. Миянӧс мездысь Ен да Господь Исус Кристос, код вылӧ ми лача кутам, индісны менӧ апостолӧн.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,

Еврейяслы 6:18

Тайӧ кыкторйыс – Енлӧн кӧсйысьӧмыс да кыв сетӧмыс – вежсьывлытӧмӧсь, ӧд Енмыс оз вермы ылӧдлыны. Тайӧ кыкторйыс ышӧдӧ миянӧс да отсалӧ кутчысьны сетӧм лачаас.

Еврейяслы 8:6

Мукӧд аркирейлы дорысь Исуслы вӧлі сетӧма ёна бурджык кесъялӧм. Исус пыр кӧрталӧм йитӧдыс тшӧтш ёна бурджык, ӧд подуласьӧ бурджык кӧсйысьӧм вылӧ.

1 Петыр 1:21

Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

1 Петыр 3:15

Господь Енмӧс вежавидзӧмӧн медвылӧ пуктӧй сьӧлӧманыд. Юалас кӧ кодкӧ лачаныд йылысь, пыр лоӧй дасьӧсь вочавидзны сылы. Вочавидзӧй рам сьӧлӧмӧн да Енсьыс полӧмӧн.

1 Иоан 3:3

Сы вылӧ татшӧм лача кутысь сӧстӧммӧдӧ асьсӧ, мед лоны Сы кодь сӧстӧмӧн.