Ефесӧ 1:13 - Коми Библия 2023

¹³ Кор ті кылінныд збыльсӧ, тіянӧс мездӧм йылысь Бур Юӧрсӧ, ті тшӧтш кутінныд эскыны Кристослы. Сэки Енмыс пасйис тіянӧс кӧсйысьӧм Вежа Лолӧн.

Ефесӧ 1:13 Kruisverwysings

Йоиль 2:28

– Тайӧ лунъяс бӧрын Ме кисьта Ассьым Лолӧс быд морт вылӧ. Тіян пиянныд да нывъясныд пондасны пророкавны, олӧмаяс пондасны вӧтавны збыльмана вӧтъяс, зонъясныд кутасны аддзыны Енсянь петкӧдчылӧмъяс.

Лука 11:13

Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».

Лука 24:49

Ме мӧдӧда тіянлы Батьӧйлысь кӧсйысьӧмасӧ. Ті кольччӧй Ерусалимӧ, кытчӧдз тіян вылӧ оз лэччы енэжсянь вын».

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

Иоан 3:33

Мортыс кӧ сибӧдӧ Сылысь кывъяссӧ, тайӧн петкӧдлӧ, мый Енмыс збыльсӧ висьталӧ.

Иоан 6:27

Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».

Ап. уджъяс 1:4

Апостолъяскӧд ӧтлаын сёйигӧн Исус шуис: «Ерусалимысь энӧ мунӧй. Виччысьӧй Батьлысь кӧсйысьӧмасӧ, мый йылысь Ме висьтавлі тіянлы.

Ап. уджъяс 13:26

Вокъясӧй, Ӧвраам пиян, тшӧтш Енмысь полысьяс! Тіянлы мӧдӧдӧма тайӧ мездана кывсӧ.

Ап. уджъяс 2:33

Енмыс кыпӧдіс Сійӧс да пуксьӧдіс веськыдладорас. Батьсяньыс Сійӧ сибӧдіс кӧсйысьӧм Вежа Лолӧс да кисьтіс миян вылӧ, кыдзи ті ӧні аддзанныд да кыланныд.

Римӧ 1:16

Ме ог яндысь висьтавлыны Кристослысь Бур Юӧрсӧ, ӧд сійӧ Енлӧн выныс, мездӧ быд эскысьӧс: медводз иудейясӧс, сэсся грекъясӧс.

Римӧ 4:11

Вундыштӧм пасыс Ӧвраамлы висьталіс, мый сійӧ вундыштчытӧдзыс на эскис, та вӧсна лои веськыдӧн. Тадзи Ӧвраам лои батьӧн став вундыштчытӧм эскысьыслы, медым и найӧ эскӧм пыр вермисны лоны веськыдӧн.

Римӧ 6:17

Ошкӧм Енлы, ӧд коркӧ ті вӧлінныд мыжыслӧн кесйӧгъяс, ӧні ті став сьӧлӧмнаныд кутчысянныд тіянлы висьталӧм велӧдӧмас.

2 Коринфӧ 1:22

Сійӧ пасйис миянӧс да мӧдӧдіс миян пытшкӧ Ассьыс Ловсӧ, коді эскӧдӧ миянӧс, мый Енлӧн став кӧсйысьӧмыс збыльмас.

2 Коринфӧ 6:7

Ми висьталам збыльсӧ, ставсӧ вӧчам Ен вынӧн. Миян вермасянторным – веськыдлун. Сійӧн вермасям и водзсасям.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Ефесӧ 4:21

Ті кывлінныд Сы йылысь, тіянӧс велӧдісны сійӧ збыльыс серти, мый эм Исус пытшкын.

Ефесӧ 4:30

Энӧ шогӧдӧй Ен Вежа Лолӧс, кодӧн пасйӧма тіянӧс вештысян лун кежлӧ.

1 Фессалоникаӧ 2:13

Дугдывтӧг ошкам Енмӧс, ӧд миян висьталӧм бӧрын ті сибӧдінныд Енлысь кывсӧ сьӧлӧманыд. Ті сибӧдінныд сійӧс энӧ мортлысь висьталӧмсӧ моз, а Енлысь кывсӧ моз. Тайӧ збыльысь Енлӧн кыв, сійӧ вына тіян пытшкын, эскысьясын.

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».

2 Тимофейлы 3:15

Тэ ичӧтсяньыд тӧдан вежа Гижӧдъяс. Гижӧдыс сетӧ мывкыдлун, медым Исус Кристослы эскӧмӧн тэ вермин мездмыны.

Титлы 2:11

Енмыс петкӧдліс Ассьыс буралӧмсӧ, медым став йӧзсӧ мездыны.

Еврейяслы 2:3

сідзкӧ, мынам-ӧ ми мыждӧмсьыс, кутам кӧ нинӧм туйӧ пуктыны тайӧ ыджыдторсӧ – мездмӧмсӧ? Тайӧ мездмӧмыс йылысь медводз висьталіс Господь, сэсся Сысянь кылысьяс эскӧдісны миянӧс, мый тайӧ висьталӧмыс збыль.

Яков 1:18

Ас кӧсйӧм сертиыс Сійӧ чужтіс миянӧс збыльыслӧн кывнас, медым Сылӧн вӧчӧмторъясысь ми вӧлім медводдзаясӧн.

Яков 1:21

Та вӧсна эновтчӧй быдпӧлӧс пежсьыс да лёк вӧчӧмысь, рам сьӧлӧмӧн сибӧдӧй тіянлы висьталӧм кывсӧ, ӧд сійӧ вына мездыны тіянлысь ловнытӧ.

1 Петыр 2:10

Водзынсӧ ті энӧ вӧлӧй Ен войтырӧн, ӧні ті – Ен войтыр. Водзынсӧ олінныд Енлӧн буралӧмтӧг, ӧні тіянлы вичмис Енлӧн буралӧмыс.

Восьтӧм 7:2

Сэсся ме аддзи асыввывсянь кыпӧдчысь анделӧс. Киас сійӧ кутіс ловъя Енлысь пас пуктансӧ. Сійӧ гораа шыасис нёль андел дінӧ, кодъяслы вӧлі сетӧма вын вӧчны лёксӧ мулы да саридзлы. Андел шуис: