Даниил 9:3 - Коми Библия 2023

³ Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

Даниил 9:3 Kruisverwysings

Ӧксыяслӧн 2 небӧг 12:16

Давид кевмысис Енлы пи вӧснаыс. Сійӧ видзаліс да войбыд куйліс му вылас.

Ездра 10:6

Сэсся Ездра муніс Енлӧн крам водзысь Эльяшив Иохананлӧн вежӧсӧ. Сэні сійӧ эз сёй и эз ю, а бӧрдіс Вавилонысь локтӧмаяслӧн мыж вӧчӧмысь.

Ездра 8:21

Ахава ю дорын ме тшӧкті видзавны, медым раммӧдчыны асланым Ен водзын да корны Сійӧс видзны миянӧс, челядьнымӧс да став эмбур-озырлуннымӧс туяным.

Ездра 9:5

Рытъя вись ваян кадӧ ме чеччи шогалӧмысь. Косялӧм паськӧмӧн ме уськӧдчи пидзӧс вылӧ да нюжӧді киӧс аслам Господь Ен дінӧ.

Неемий 9:1

Кызь нёльӧд лунӧ сійӧ жӧ тӧлысьнас Израиль войтыр чукӧртчис, мед видзавны. Найӧ пасьталісны шогалан паськӧм да коялісны юрнысӧ муӧн.

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Псалтыр 35:13

Видзӧдлы, лёк вӧчысьяс усисны! Енмыс уськӧдіс найӧс кок йывсьыныс, и найӧ оз вермыны сувтнысӧ. Ошкӧм.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Езекиль 36:37

Господь Ыджыдыс тадзи висьталӧ: нӧшта Ме збыльмӧда Менам Израиль войтырлысь корӧмсӧ да ыж чукӧрлысь моз содта налысь лыдсӧ.

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Даниил 9:20

Ме кевмыси да висьтаси аслам мыжъясысь да Израиль войтырӧйлӧн мыжъясысь, кевмыси Господьлы, аслам Енлы, Сылӧн вежа керӧс йылысь.

Даниил 9:4

Ме кевмыси Господьлы, аслам Енлы, да висьтаси Сылы: «Господьӧй Енмӧй, Тэ ыджыд да повзьӧдана, Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Йоиль 2:12

– Бергӧдчӧй Ме дінӧ став сьӧлӧмнаныд, видзалӧй да сыркъялӧмӧн бӧрдӧй, – висьталӧ Господь весиг талун.

Иона 3:5

Ниневияын олысьяс та бӧрын кутісны эскыны Енлы. Найӧ шуисны видзавны, и ставныс ичӧтсянь ыджыдӧдз пасьталісны шогалан паськӧм.

Матвей 17:21

Видзавтӧг да кевмысьтӧг татшӧм пеж ловъяссӧ вӧтлыны онӧ вермӧй».

Лука 2:37

сэсся кӧкъямысдас нёль арӧсӧдз олӧма дӧваӧн. Сійӧ эз петавлы крамысь, видзалӧмӧн-кевмысьӧмӧн кесъяліс Енлы лун и вой.

Ап. уджъяс 10:30

Корнилий висьталіс: «Куим лун сайын дзик тайӧ кадас куим часын ме видзалӧмӧн кевмыси гортын. Сэки сувтіс ме водзӧ дзирдалан паськӧма морт