Даниил 9:26 - Коми Библия 2023

²⁶ Квайтымын кыкысь сизим во мысти Мавтыштӧмаӧс лоӧ виӧма, и Сыкӧд некод оз коль. А карсӧ да вежаинсӧ бырӧдас локтана юралысьлӧн войтырыс. Тайӧ юралысьлӧн помыс лоӧ ва ойдӧм кодь, и тыш помӧдзыс лоӧ пазӧдӧм-бырӧдӧм.

Даниил 9:26 Kruisverwysings

Ӧксыяслӧн 2 небӧг 21:5

Сэки найӧ шуисны Давид ӧксылы: «Саул виис миян пӧвстысь унаӧс, кӧсйис бырӧдны миянӧс став Израиль му пасьталаысь.

Исай 28:2

Со, Господьлӧн эм вынйӧра да ён морт, коді шерӧн мунысь сувтса зэр моз, путкылялысь тӧвныр моз, паськыда ойдысь ытва моз ыджыд вынӧн шыбитас найӧс муас.

Исай 28:22

Сідзкӧ, дугдӧй лёкӧдны тайӧ юӧрсӧ, медым тіян кӧртӧдъясныд эз зэлавны ёнджыка на. Ӧд ме кывлі Ыджыдсянь, Господь Саваофсянь, мый тайӧ мусьыс ставсӧ лоӧ бырӧдӧма.

Исай 53:8

Сійӧс кутісны, мыждісны, нуӧдісны, нетшыштісны ловъяяслӧн му вылысь, но некод эз шогсьы, мый лоӧ Сыкӧд. Менам войтырлӧн мыжъяс вӧсна Сійӧс нӧйтісны кувтӧдзыс.

Исай 8:7

Та вӧсна Ме, Господь, вайӧда тайӧ войтырыс вылӧ паськыда визувтысь да гораа бузгысь ю – ассурса ӧксыӧс став сылӧн выннас. Сійӧ паськалас ойдӧм ва моз, петас став аслас берегъясысь,

Еремей 46:7

Коді нӧ Нил ю моз кыпӧдчӧ, ызгысь ва моз кыпӧдчӧ?

Еремей 51:42

Саридз ыльӧбтіс Вавилон вылӧ, гыясыс вевттисны сійӧс.

Даниил 11:10

Сэсся войвывса ӧксылӧн пияныс чукӧртасны уна лыда тышкайӧзӧс, и на пиысь ӧти тайӧ тышкайӧзыскӧд петас тышӧ. Ойдӧм ва моз найӧ ыльӧбтасны-уськӧдчасны лунвывса ӧксылӧн изкар вылӧ.

Даниил 11:17

Сійӧ мӧвпыштас уськӧдчыны аслас став тышкайӧзкӧд лунвывса му вылӧ. Медым бырӧдны лунвывса ӧксылысь юралӧмсӧ, войвывса ӧксы кӧрталас йитӧд лунвывса ӧксыкӧд да сетас сылы гӧтыр пыдди нывсӧ. Но войвывса ӧксылӧн мӧвпыштӧмаыс оз артмы, оз вай сылы бурсӧ.

Даниил 11:22

Ойдӧм ва моз локтысь тышкайӧзӧс лоӧ кылӧдӧма сы водзысь. Тадзи лоӧ пасьвартӧма найӧс. Лоӧ пасьвартӧма тшӧтш Енлӧн йитӧд вӧсна кывкутысьӧс.

Даниил 11:36

Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 9:27

Локтана юралысьыс унакӧд кӧрталас йитӧд сизим во кежлӧ. Сизим воыслӧн джын кадас сійӧ дугӧдас вись вайӧм. Вежаинлӧн вевт вылас пеж зывӧкыс лоӧ сэтчӧдз, кытчӧдз Енлӧн водзвыв шуӧмыс серти оз ло бырӧдӧма асьсӧ бырӧдысьсӧ».

Осий 1:9

Господь шуис Осийлы: «Пукты сылы Ло-Амми ним, ӧд ті абу Менам войтыр, и Ме ог ло тіян Енмӧн».

Амос 8:8

На вӧсна ӧд муыс вӧрӧ, му вылын став олысьыс бӧрдӧ. Муыс ставнас ю моз гызьӧ, кыптылӧ да ляпкалӧ Нил ю моз.

Амос 9:5

Ыджыдыс, Господь Саваоф, инмӧдчӧ муас, и муыс вӧрзьылӧ, сэтчӧс став олысьыс бӧрддзӧ. Муыс кыптылӧ Нил моз, ляпкалӧ египетса ю моз.

Наум 1:8

Ыджыд ытваӧн Сійӧ подулӧдзыс жугӧдас Ниневия кар, Ассьыс вӧрӧгсӧ Сійӧ вӧтлас пемыдінӧ.

Матвей 22:2

«Енэжвыв Юралӧмыс татшӧм. Ӧксы аслас пиыслы кӧлысь вӧчас.

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.

Матвей 23:38

Со, тіян крамныд тыртӧммас.

Матвей 24:2

Исус шуис налы: «Аддзанныд-ӧ ставсӧ тайӧс? Веськыда висьтала тіянлы: татчӧ из вылӧ из оз коль, ставсӧ жугӧдасны».

Марк 13:2

Исус шуис: «Аддзан тайӧ ыджыд керкаяссӧ? Татчӧ из вылӧ из оз коль, ставсӧ жугӧдасны».

Марк 13:7

Кор ті кыланныд тышъяс йылысь юӧр, кор кыланныд лыйсьӧм шы, энӧ полӧй. Тайӧ ставыслы колӧ лонысӧ, но тайӧ абу на пом.

Марк 9:12

Сійӧ вочавидзис: «Дерт, Иллялы колӧ водзджык локны да ставсӧ лӧсьӧдны. А Морт Пи йылысь гижӧма, мый уна сьӧкыд Сылы ковмас нуны да лоны увтыртӧмаӧн.

Лука 21:24

Ӧтияс куласны шыпурт помысь, мӧдъясӧс мырдӧн нуӧдасны йӧз муӧ. Ерусалим карсӧ индӧм кадӧдз пондасны талявны ентӧдтӧмъяс».

Лука 21:6

«Воас лун, татчӧ из вылӧ из оз коль, ставсӧ жугӧдасны».

Лука 24:26

Эз-ӧ тайӧ сьӧкыдыс пыр ков мунны Кристослы да пырны Аслас дзирдлунӧ?»

Лука 24:46

Сійӧ шуис налы: «Тадзи гижӧма: Кристослы колӧ мунны сьӧкыдыс пыр, кувны да коймӧд луннас ловзьыны,

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

1 Петыр 2:21

Дзик та вылӧ тіянӧс корӧма, ӧд Кристос нуис сьӧкыдсӧ тіян вӧсна. Тадзи Сійӧ петкӧдліс, медым ті олінныд Сы моз.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,