Даниил 9:2 - Коми Библия 2023

² Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Даниил 9:2 Kruisverwysings

2 Каднебӧг 36:21

Тадзи иніс Господьлӧн шуӧмыс, мый Еремей висьтавліс, муыс пӧ лоӧ овтӧминӧн сизимдас во чӧж, сійӧ кутас шойччыны сійӧ кад чӧжыс, мыйта кад сылы шойччӧгсӧ эз сетлыны.

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Исай 64:10

Тэнад вежа каръясын некод оз ов, Сион лои овтӧминӧн, Ерусалим – кушинӧн.

Еремей 1:1

Тайӧ кывъясыс Еремейлӧн, Хилки пилӧн. Еремей вӧлі поп рӧдысь. Сійӧ оліс Венямин муын, Анатот карын.

Еремей 25:18

Ме юктӧді Ерусалимын да Иуда каръясын олысьясӧс, иудаса ӧксыясӧс да юралысьясӧс, медым вӧчны налысь каръяссӧ из чукӧрӧн да повзьӧдчанторйӧн, сетны найӧс ёрны-омӧльтны. Ставыс ӧніӧдз тадзи.

Еремей 26:18

«Иудаса Езекей ӧксылӧн веськӧдлан кадӧ пророкавліс морешетса Микей. Сійӧ юӧртліс став Иуда войтырыслы, мый Господь Саваоф тадзи висьталӧ: – Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Еремей 7:34

Иудаса каръясын да ерусалимса уличьяс вылын нимкодясьӧмлы да гажӧдчӧмлы Ме пукта пом, водзӧ оз кут кывны верӧспулӧн да гӧтырпулӧн гӧлӧс шыныс, ӧд тайӧ муыс лоӧ овтӧминӧн.

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Езекиль 29:11

Морт ни ыж-мӧс оз кут ветлыны сэті, оз ло сэні олысьыс нелямын во чӧж.

Даниил 9:3

Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.

Закар 1:12

Сэки андел шыасис Господь дінӧ: «Господь Саваоф, дыр-ӧ на Тэ он бурсьӧлӧмтчы Ерусалим да мукӧд Иуда каръяс дінӧ? Сизимдас во нин Тэ скӧралан на вылӧ».

Закар 7:5

– Висьтав тайӧ муас олысьяслы да попъяслы: кор ті шогалінныд да видзалінныд сизимдас во чӧж витӧд да сизимӧд тӧлысьясӧ, Меным-ӧ тайӧс ті вӧчинныд?

Матвей 24:15

«Кор ті аддзанныд вежаинсьыс пеж зывӧксӧ, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!

Марк 13:14

«Кор ті аддзанныд пеж зывӧксӧ сэтысь, кӧні сылы оз позь лоны, сэки Иудея муын олысьяс мед пышъясны керӧсъясӧ. Тайӧ пеж зывӧкыс йылысь Даниил пророк на висьтавліс – лыддьысьысь мед гӧгӧрвоӧ!

Ап. уджъяс 8:34

Евнук шуис Филиплы: «Висьтав, код йылысь пророкыс шуӧма тайӧс? Ас йывсьыс али мӧд йылысь?»

1 Тимофейлы 4:13

Менам локтӧдз лыддьы Енлысь кывсӧ да туйдӧд-велӧд йӧзсӧ.

Восьтӧм 1:3

Шуда сійӧ, коді лыддьӧ да кывзӧ тайӧ водзвыв висьталӧмыслысь кывъяссӧ да олӧ на серти, ӧд кадыс матын нин.