Даниил 8:8 - Коми Библия 2023

⁸ Ай кӧза пондіс ёна ышнясьны. Но кор сійӧ лои вынйӧра, сэки чегис да усис сылӧн ыджыд сюрыс, а сы пыдди петіс нёль сюр, найӧ чурвидзисны нёльнан му пельӧслань.

Даниил 8:8 Kruisverwysings

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

Эсфир 9:4

Мардокей вӧлі ӧксы керкаын ыджыд мортӧн. Сійӧс нимӧдісны быд муын, ӧд сылӧн ыджыдалӧмыс ӧтарӧ вынсяліс.

Еремей 49:36

Енэжлӧн нёльнан пельӧссянь Ме мӧдӧда Элам вылӧ нёль тӧвныр да разӧда эламсаясӧс. Оз сюр сэтшӧм войтыр, код пӧвстӧ оз локны Эламысь вӧтлӧмаяс.

Еремей 5:27

Кыдзи лэбач кыйысьлӧн видзаніныс тырӧма лэбачӧн, сідзи жӧ лёк вӧчысьяслӧн керканыс тырӧма ылӧгӧн. Найӧ вылӧ кыпӧдчӧны, озырмӧмаӧсь,

Езекиль 16:7

Ме быдті тэнӧ видзвыв турунӧс моз. Тэ быдмин, верстяммин да лоин мичасьыс-мича. Тэнад гӧрддзассис морӧсыд, быдмис юрсиыд, но тэ вӧлін пасьтӧм.

Езекиль 28:9

Шуан-ӧ сэки виысьыдлы, мый тэ ен? Виысь водзын тэ сӧмын морт, абу ен.

Даниил 11:4

Но сылӧн юралӧмыс ӧдйӧ киссяс да разалас нёльнан му пельӧсӧ. Сылӧн юралӧмыс оз вудж сысянь чужысьяслы, и оз нин ло сэтшӧм вына, кутшӧм вӧлі сылӧн юралігӧн. Сылысь юралӧмсӧ лоӧ вужнас нетшыштӧма да сетӧма мукӧдыслы.

Даниил 4:31

«Урчитӧм кад кольӧм мысти ме, Навукодоносор, лэпті синмӧс енэжланьыс, и ме бӧр вои ас вежӧрӧ. Сэки ме аттьӧалі Медвылыссаӧс, ошки-нимӧді пыр Олысьӧс: – Сылӧн ыджыдалӧмыс – нэмъяс чӧж, Сылӧн юралӧмыс – чужысьяссянь чужысьясӧдз.

Даниил 5:20

Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.

Даниил 7:2

Войся аддзылӧмын меным, Данииллы, вӧлі петкӧдлӧма, кыдзи енэжыслӧн нёль тӧв гызьӧдісны ыджыд саридз.

Даниил 7:6

Сэсся ме аддзи коймӧд зверӧс. Сійӧ вӧлі леопард кодь, мыш вылас сылӧн вӧлі лэбачлӧн кодь нёль борд. Тайӧ зверыслӧн вӧлі нёль юр, сылы вӧлі сетӧма ыджыдавны му вылын.

Даниил 8:22

Кор тайӧ сюрыс чегис, сы пыдди петіс нёль сюр. Тайӧ петкӧдлӧ, мый тайӧ войтыр пӧвстсьыс петас нёль юралӧм, но найӧ оз лоны медводдза ӧксылӧн юралӧмыс кодь вынаӧсь.

Даниил 8:5

Менам видзӧдігкості рытыввывсянь локтіс ай кӧза, кодлӧн кык син костас вӧлі ыджыд сюр. Муас инмавтӧг сійӧ котӧртіс му весьтӧдыс.

Даниил 8:7

Ме аддзылі, мый меж дінӧ матыстчигӧн сійӧ нӧшта на пузис скӧрысла, уськӧдчис меж вылӧ да чегис сылысь кыкнан сюрсӧ. Межлӧн эз вӧв выныс водзсасьны ай кӧзакӧд. Ай кӧза уськӧдіс межӧс муас да таляліс сійӧс. Некод эз вермы мездыны сійӧс ай кӧзаысь.

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

Марк 13:27

Сійӧ мӧдӧдас анделъяссӧ нёльнан му вежтасас да чукӧртас Ассьыс бӧрйӧмаяссӧ став му пельӧссьыс.

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Восьтӧм 7:1

Та бӧрти ме аддзи нёль анделӧс. Найӧ сулалісны нёльнан му пельӧсас да кутісны мулысь нёльнан тӧвнырсӧ, медым тӧлыс эз пӧльт му вылӧ, саридз вылӧ да некутшӧм пу вылӧ.