Даниил 8:7 - Коми Библия 2023

⁷ Ме аддзылі, мый меж дінӧ матыстчигӧн сійӧ нӧшта на пузис скӧрысла, уськӧдчис меж вылӧ да чегис сылысь кыкнан сюрсӧ. Межлӧн эз вӧв выныс водзсасьны ай кӧзакӧд. Ай кӧза уськӧдіс межӧс муас да таляліс сійӧс. Некод эз вермы мездыны сійӧс ай кӧзаысь.

Даниил 8:7 Kruisverwysings

Даниил 11:11

Лунвывса ӧксы ёна скӧрмас да тышӧ петас войвывса ӧксылы паныд. Войвывса ӧксы чукӧртас уна лыда тышкайӧзӧс, но лунвывса ӧксы аслас тышкайӧзкӧд пасьвартас найӧс.

Даниил 7:12

Мукӧд зверыслысь тшӧтш вӧлі мырддьӧма юралӧмсӧ, но налы сетісны на овны урчитӧм кадӧдз.

Даниил 7:7

Нӧшта ме аддзи нёльӧд зверӧс. Сійӧ вӧлі зэв скӧр, ёна повзьӧдлана да ыджыд вынйӧра, сылӧн вӧліны ыджыд кӧрт пиньяс. Сійӧ ставсӧ косявліс-ньылаліс, а коляссӧ таляліс кокъяснас. Сійӧ торъяліс мукӧд воддза зверсьыс, сылӧн вӧлі дас сюр.

Даниил 8:10

Сюрыс быдмис енэжвывса тышкакотыръясӧдз, сэсся тышкакотыръяслысь юкӧнсӧ да кодзувъяслысь юкӧнсӧ шыбитіс му вылӧ да таляліс найӧс.

Даниил 8:6

Ай кӧза веськӧдчис кык сюра межлань, коді сулаліс ю дорын, да скӧрпырысь котӧртіс сылы паныд.

Даниил 8:8

Ай кӧза пондіс ёна ышнясьны. Но кор сійӧ лои вынйӧра, сэки чегис да усис сылӧн ыджыд сюрыс, а сы пыдди петіс нёль сюр, найӧ чурвидзисны нёльнан му пельӧслань.

Левит 26:37

Ті пышъянныд шыпуртысь моз да конъясянныд ӧта-мӧданыд, кӧть вӧтӧдысьыс оз ло. Вӧрӧгкӧд водзсасьнытӧ онӧ вермӧй.

Нав Исус 8:20

Гайса айулов видзӧдлісны карлань да аддзисны, мый карныс сотчӧ, енэжӧ пуркйӧ тшын. Налы некытчӧ вӧлі муннысӧ, ӧд овтӧминлань пышйысь израильсаяс бергӧдчисны налы паныд.