Даниил 7:10 - Коми Библия 2023

¹⁰ Сы дінысь петіс-визувтіс биӧн ыпъялысь ю, Сылы кесъялісны сюрсъясӧн, Сы водзын сулалісны лыдтӧм-тшӧттӧм йӧз. Ёрдысьяс пуксисны, и воссисны небӧгъяс.

Даниил 7:10 Kruisverwysings

Ӧксыяслӧн 3 небӧг 22:19

Микей водзӧ висьталіс: «[Тадзисӧ ог ме висьтав.] Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн шуйгаладорас и веськыдладорас сулалісны енэжвывса тышкакотыръяс.

2 Каднебӧг 18:18

Микей водзӧ висьталіс: «Кывзӧй Господьлысь кывсӧ! Ме аддзылі Господьӧс, Сійӧ пукаліс Аслас юралан пуклӧсын. Сыкӧд орччӧн, шуйгаладорас и веськыдладорас, сулалісны енэжвывса тышкакотыръяс.

Иов 25:3

Сылысь тышкакотыръяссӧ верман-ӧ артавны? Сылӧн югыдыс оз-ӧ югды быд морт весьтын?

Псалтыр 103:21

Левъяс равзӧны, корсьӧны аслыныс кыйдӧс, корӧны Енмыслысь сёян.

Псалтыр 18:8

Господьлӧн Индӧдыс тырвыйӧ бур, ёнмӧдӧ ловтӧ. Господьлӧн туйдӧдӧмыс эскӧдана, вежӧрсьӧдӧ мывкыдтӧмӧс.

Псалтыр 50:3

Енмӧй, Аслад буралӧмыд кузя ло бур сьӧлӧма ме дінӧ, Аслад ыджыд бурлуныд кузя чышкышт менсьым мыжъясӧс.

Псалтыр 68:17

Господьӧй, вочавидз меным, ӧд Тэ бур сьӧлӧма. Ыджыд буралӧмыд кузя видзӧдлы ме вылӧ.

Исай 30:27

Со, ылісянь локтӧ Господь, ыпъялӧ Сылӧн скӧрлуныс, Сылӧн ыпъялан биыс вына, Сылӧн вомыс тырӧма лӧглунӧн, Сылӧн кывйыс ставсӧ сотысь би кодь.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 7:22

Но локтіс важысянь Олысь да Медвылыссалысь вежа войтырсӧ суис веськыда мыждӧм. Сэсся воис кад налы юравны.

Даниил 7:26

Сэсся пуксясны ёрдысьяс, и мырддясны сылысь юралӧмсӧ. Тайӧ юралӧмсӧ пыр кежлӧ лоӧ бырӧдӧма.

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Матвей 25:31

«Морт Пи локтас Аслас дзирдлунӧн вежа анделъяскӧд да пуксяс дзирдлуныслӧн юралан пуклӧсӧ.

Индӧд 33:2

– Синай керӧссянь Господь лэччис, Сеир керӧсвыв му весьтын шонді моз петіс, Паран керӧс вылын петкӧдчис. Сійӧ локтіс лыдтӧм-тшӧттӧм вежаяскӧд, Сылӧн веськыдвылас ыпъяліс-ӧзъяліс би.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Еврейяслы 12:22

Мӧдарӧ, ті матыстчинныд Сион керӧс дінӧ да ловъя Енлӧн кар дінӧ, енэжвыв Ерусалим дінӧ. Ті локтінныд лыдтӧм-тшӧттӧм анделъяс дінӧ

Иуда 1:14

Тайӧ йӧзыс йылысь водзвыв висьтавліс Енок, Адамсянь сизимӧд чужанвужйысь петысь: «Со, локтӧ Господь Аслас лыдтӧм-тшӧттӧм вежа анделъяскӧд,

Восьтӧм 11:18

Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 5:11

Ме видзӧдлі да кылі уна анделлысь гӧлӧс шысӧ. Найӧ кытшалісны Енлысь пуклӧссӧ, нёль ловъя олысьӧс да юрнуӧдысьясӧс. Анделъяслӧн лыдыс вӧлі лыдтӧм-тшӧттӧм – сё миллионъясӧн.