Даниил 5:2 - Коми Библия 2023

² Юӧм бӧрас Валтасар тшӧктіс вайны зарни да эзысь дозмукъяс, мый сылӧн Навукодоносор батьыс петкӧдліс ерусалимса крамысь. Валтасар кӧсйис юны тайӧ дозмукъяссьыс аслас чина йӧзкӧд, гӧтыръясыскӧд да кесйӧг-гӧтыръясыскӧд.

Даниил 5:2 Kruisverwysings

Ӧксыяслӧн 2 небӧг 9:7

Давид шуис: «Эн пов. Тэнад Ионафан батьыд вӧсна ме лоа бур сьӧлӧма тэ дінӧ. Ме тэныд бӧр сета Саул пӧльыдлысь видз-мусӧ. А ачыд тэ кутан сёйны-юны менам пызан сайын».

Ӧксыяслӧн 4 небӧг 24:13

Навукодоносор босьтіс Господьлӧн крамысь да ӧксы керкаысь став озырлунсӧ. Сійӧ жугліс став зарни дозмук-кӧлуйсӧ, мый коркӧ вӧчліс израильса Соломон ӧксы Господьлӧн крамын кесъялӧм вылӧ. Тадзи иніс Господьлӧн шуӧмыс.

Ӧксыяслӧн 4 небӧг 25:15

Ӧксыӧс видзысьяслӧн юралысь босьтіс зарниысь да эзысьысь вӧчӧм дозмук: ӧгыр пӧртъяс да вир резан тасьтіяс.

2 Каднебӧг 11:20

Нӧшта Ровоам босьтіс гӧтырӧ Авессаломлысь Маака нывсӧ. Маака чужтіс сылы Авийӧс, Аттайӧс, Зизӧс да Шеломотӧс.

2 Каднебӧг 15:16

Аслас Маака пӧчыслы Аса ӧксы эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ торпыригӧдз да сотіс сійӧс Кедрон ковтысын.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

2 Каднебӧг 36:18

Господь Енлӧн крамысь став дозмук-кӧлуйсӧ, ыджыдӧс и ичӧтӧс, крамысь став озырлунсӧ, ӧксылысь да сылӧн киподувса юралысьяслысь озырлунсӧ – ставсӧ вайисны Вавилонӧ.

Ездра 5:14

Кир ӧксы тшӧктіс вайны став зарни да эзысь дозмук-кӧлуйсӧ, мый Навукодоносор вӧлі босьтӧма Енлӧн крамысь, вайӧма Ерусалимысь да пуктӧма вавилонса крамӧ. Кир ӧксы босьтіс найӧс вавилонса крамысь да сетіс Шешбацарлы, кодӧс сійӧ индіс юралысьӧн.

Еремей 27:7

Став войтыръясыс пондасны кесъявны сылы, сылӧн пиыслы да пиыслӧн пиыслы, кытчӧдз оз во кад, кор сійӧ аслас войтырыскӧд кутас кесъявны мукӧд войтыръяслы да вына ӧксыяслы.

Еремей 50:35

Калдея войтыр весьтӧ кыпӧдӧма шыпурт, – висьталӧ Господь, – кыпӧдӧма шыпурт Вавилонын олысьяс весьтӧ, налӧн юралысьяс да тӧдысьяс весьтӧ.

Еремей 52:19

Ӧксыӧс видзысьяслӧн юралысь босьтіс зарниысь да эзысьысь вӧчӧм тасьтіяс, ӧгыр пӧртъяс, вир резан тасьтіяс, пӧим чукӧртан воръяс, бикокъяс, кӧшъяс да дозъяс.

Даниил 1:2

Навукодоносор киӧ Господь сетіс иудаса Ехояким ӧксыӧс да Енлӧн крамысь дозмук-кӧлуй. Навукодоносор нуис тайӧ дозмук-кӧлуйсӧ Сеннар муӧ, аслас енлӧн крамӧ, да пуктіс найӧс крамса озырлун видзанінӧ.

Даниил 5:11

Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

Даниил 5:13

Сэки Даниилӧс вайӧдісны ӧксы дінӧ, и ӧксы шуис сылы: «Тэ-ӧ сійӧ Даниилыс, кодӧс Иуда муысь пленӧ босьтӧмаяскӧд вайӧдіс ӧксы, менам батьӧй?

Даниил 5:18

Ӧксыӧй, Медвылысса Ен сетіс тэнад Навукодоносор батьлы юралӧм, ыджыдалан вын да ошкӧм-нимӧдӧм.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Даниил 5:3

Енлӧн крамысь петкӧдӧм зарни дозмукъяссӧ вайӧм бӧрын ӧксы аслас чина йӧзкӧд, гӧтыръясыскӧд да кесйӧг-гӧтыръясыскӧд пондісны юны сэтысь.

Даниил 5:30

Сійӧ жӧ войнас калдеяса Валтасар ӧксыӧс виисны,

Даниил 5:4

Найӧ юисны вина да ошкисны зарниысь да эзысьысь вӧчӧм енъясӧс, ыргӧнысь да кӧртысь вӧчӧм енъясӧс, пуысь да изйысь вӧчӧм енъясӧс.

Лыд 7:79

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.