Даниил 5:16 - Коми Библия 2023

¹⁶ Но тэ йылысь ме кывлі, мый тэ верман гӧгӧрвоӧдны вӧтъяс да сьӧкыдлунъяс дырйи разьны гӧрӧдъяс. Тэ кӧ верман лыддьыны тайӧ гижӧмасӧ да гӧгӧрвоӧдны сійӧс, тэнӧ пасьтӧдасны пемыдгӧрд паськӧмӧ, сьыліад ӧшӧдасны зарни чеп, и тэ лоан менам муын чин серти коймӧд юралысьӧн».

Даниил 5:16 Kruisverwysings

Олӧм 40:8

Найӧ вочавидзисны: «Ми вӧт вӧталім, а гӧгӧрвоӧдысьыс абу». Ӧсип шуис налы: «Енмыс гӧгӧрвоӧдас вӧтъяснытӧ. Висьталӧй меным».

Олӧм 41:15

Фараон шуис Ӧсиплы: «Некод оз вермы гӧгӧрвоӧдны менсьым вӧтӧс, а тэ йылысь ме кывлі, мый тэ кужан».

Олӧм 41:42

Фараон пӧрччис ассьыс чунькытшсӧ да чунькытшӧдіс Ӧсипӧс. Сэсся сетіс сылы шабді паськӧм, сьыліас ӧшӧдіс зарни сикӧтш.

Даниил 2:48

Та бӧрти ӧксы вылӧ кыпӧдіс Даниилӧс, сетіс сылы уна дона козин, индіс сійӧс Вавилон нима ӧксыув муын юралысьӧн да вавилонса став тӧдысьыс вылын медыджыдӧн.

Даниил 2:6

Но ті кӧ висьталанныд да гӧгӧрвоӧданныд менсьым вӧтӧс, сэки ме сета тіянлы козинъяс да кута ошкыны-нимӧдны тіянӧс. Сідзкӧ, висьталӧй да гӧгӧрвоӧдӧй менсьым вӧтӧс».

Даниил 5:29

Та бӧрти Валтасарлӧн тшӧктӧм серти Даниилӧс пасьтӧдісны пемыдгӧрд паськӧмӧ, сьыліас ӧшӧдісны зарни чеп да юӧртісны, мый сійӧ лоӧ тайӧ муас чин серти коймӧд юралысьӧн.

Даниил 5:7

Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

Даниил 6:2

Наӧн веськӧдлыны сійӧ индіс куим ыджыдалысьӧс, кодъяс пӧвстысь ӧтиыс вӧлі Даниил. Сатрапъяслы колӧ вӧлі висьтавны вӧчӧм уджныс йылысь ыджыдалысьяслы, медым ӧксыӧс эз вӧв сьӧктӧдӧма.

Ап. уджъяс 8:18

Симон аддзис, мый апостолъяслӧн ки пуктылӧм пыр эскысьяс тырӧны Вежа Лолӧн, сэки вайис апостолъяслы сьӧм