Даниил 4:16 - Коми Библия 2023

¹⁶ Сэки Даниил, кодӧс шуисны Белтешацарӧн, кутшӧмкӧ кад кежлӧ шӧйӧвошліс, сылӧн мӧвпъясыс повзьӧдлісны сійӧс. Ӧксы шуис сылы: «Белтешацар, тайӧ вӧтыс да сійӧс гӧгӧрвоӧдӧмыс мед оз повзьӧдлыны тэнӧ!» Белтешацар вочавидзис: «Ыджыдӧй, тэнӧ мустӧмтысьяс да тэнад вӧрӧг йылысь кӧ эськӧ вӧлі тайӧ вӧтыс да сійӧс гӧгӧрвоӧдӧмыс!

Даниил 4:16 Kruisverwysings

Ӧксыяслӧн 2 небӧг 18:32

Ӧксы юаліс кушса мортлысь: «Ловъя-ӧ менам Авессалом пиӧй?» Мӧдыс вочавидзис: «Ӧксыӧй-ыджыдӧй, тэныд паныд сувтысьясӧс да тэныд лёк вӧчысьясӧс мед суас сійӧ жӧ, мый суис тэнсьыд питӧ».

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Даниил 11:13

Войвывса ӧксы выльысь чукӧртас воддза дорсьыс на унджык тышкайӧзӧс. Кымынкӧ во мысти бура дасьтысьӧмӧн сійӧ бара уськӧдчас аслас уна лыда тышкайӧзкӧд лунвывса ӧксы вылӧ.

Даниил 12:7

Ме аддзи шабді паськӧма анделӧс, коді сулаліс ва весьтын. Веськыд да шуйга кисӧ енэжланьыс кыпӧдӧмӧн сійӧ кыв сетіс помтӧг Олысь водзын: «Коляс ӧти кадколаст, сэсся кык кадколаст да нӧшта кадколаст джын. Кор вежа войтырӧс лоӧ разӧдӧма, сэки ставыс тайӧ инас».

Даниил 4:23

А мый пуыслысь мырсӧ вужъяснас вӧлі тшӧктӧма кольны, – тайӧ висьталӧ сы йылысь, мый тэнсьыд юралӧмтӧ бӧр лоӧ бергӧдӧма тэныд, кор тэ гӧгӧрвоан, мый став вылас ыджыдалӧ енэжвывса Ен.

Даниил 4:25

Став тайӧ шуӧмыс иніс Навукодоносор олӧмын.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Даниил 7:28

Та вылын помасьӧ менам висьталӧмӧй. Ме, Даниил, ёна повзи, мӧвпъясӧй повзьӧдісны менӧ, весиг чужӧмӧй кельдӧдіс. Но сійӧс, мый вӧлі восьтӧма меным, ме видзи аслам сьӧлӧмын.

Еврейяслы 1:11

Найӧ бырасны, а Тэ помтӧг олан. Паськӧм моз найӧ важмасны,

Восьтӧм 12:14

Аньлы вӧлі сетӧма ыджыд кутшлысь кык борд, медым сійӧ лэбзис змейысь овтӧминӧ, сылы дасьтӧминӧ. Сэні кутасны вердны сійӧс куим во да джын.