Даниил 3:17 - Коми Библия 2023

¹⁷ Миян Енным, кодлы ми кесъялам, вермас мездыны миянӧс ыпъялысь пачысь. Сійӧ мездас миянӧс и тэнад киысь, ӧксыӧй.

Даниил 3:17 Kruisverwysings

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Олӧм 18:14

Но эм-ӧ мыйкӧ Господьлы вермытӧмыс? Индӧм кадӧ во мысти Ме бара вола тэ ордӧ. Сэки Сарраыдлӧн лоас пи».

Иов 34:29

Енмыс кӧ чӧв ланьтас, коді вермас мыжавны Сійӧс? Енмыс кӧ вевттяс чужӧмбансӧ, коді вермас аддзыны Сійӧс? Сійӧ ыджыдалӧ войтыр вылын и торъя морт вылын,

Иов 5:19

Квайт шогысь Сійӧ мездас тэнӧ, сизимӧдыс оз инмӧдчыв тэ дінӧ.

Псалтыр 115:3

Мыйӧн ме мынтыся Господьлы став бурсьыс, мый Сійӧ вӧчис меным?

Псалтыр 73:20

Эн вунӧд Ассьыд йитӧдтӧ, ӧд му вылас став пемыд пельӧсыс тырӧма виалӧм-дзескӧдӧмӧн.

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Еремей 1:8

Эн пов некодысь, ӧд Ме тэкӧд, Ме доръя тэнӧ, – висьталӧ Господь.

Еремей 15:20

Ме сувтӧда тэнӧ тайӧ войтырыслы паныд, и тэ лоан зумыд ыргӧн стенмӧн. Найӧ кыпӧдчасны тэныд паныд, но тэнӧ оз вермыны, ӧд Ме тэкӧд, Ме мезда тэнӧ да видза тэнӧ, – висьталӧ Господь. –

Еремей 15:21

Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Даниил 3:26

– Господьӧй, миян батьяслӧн Енмӧй, Тэ ёна ошкана! Мед лоӧ ошкӧма-нимӧдӧма Тэнсьыд нимтӧ нэмъяс чӧж!

Даниил 6:16

Сэки ӧксы тшӧктіс вайӧдны Даниилӧс да шыбитны сійӧс левъяслӧн гуӧ. Ӧксы шуис Данииллы: «Тэнад Енмыд, кодлы тэ дугдывтӧг кесъялан, мед мездас тэнӧ!»

Даниил 6:23

Даниил вӧсна ӧксы ёна нимкодясис да тшӧктіс лэптыны сійӧс гусьыс. Сійӧс лэптісны, и сылӧн вир-яйысь эз аддзыны некутшӧм дойдалӧм, ӧд сійӧ лача кутіс аслас Ен вылӧ.

Даниил 6:27

Сійӧ мездӧ и дорйӧ, вӧчӧ шензьӧданаторъяс да индысьпасъяс енэжас и му вылас. Сійӧ мездіс Даниилӧс левъяслӧн гыж улысь».

Микей 7:7

А ме видзӧда Господь вылӧ, виччыся мездӧмсӧ аслам Енсянь. Менам Енмӧй кылас менӧ.

Лука 1:37

Енлы нинӧм вермытӧмыс абу».

Ап. уджъяс 20:24

Ме нинӧм вылӧ ог видзӧд, олӧмӧй меным абу дона. Сӧмын кӧсъя долыд сьӧлӧмӧн помӧдз мунны лӧсьӧдӧм туйӧдыс да помавны кесъялӧмӧс, мый Господь Исус сетіс меным – висьтавны Енлӧн буралӧм йылысь Евангелльӧсӧ.

Ап. уджъяс 21:13

Павел воча шуис: «Мый ті бӧрданныд, менсьым сьӧлӧмӧс дойдаланныд? Ме дась лоны кӧрталӧмаӧн, весиг дась кувны Ерусалимын Господь Исус ним вӧсна».

Римӧ 8:31

Мый та вылӧ шуам? Енмыс кӧ миян дор, коді миянлы паныд?

2 Коринфӧ 1:10

Сійӧ видзис миянӧс кулӧмысь да водзӧ на видзас. Ті кӧ отсаланныд миянлы кевмысьӧмнаныд, ми лача кутам, мый Енмыс нӧшта на видзас. Сэки унаӧн кутасны ошкыны Енсӧ миян дінӧ Сылӧн буралӧмысь.

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Ӧксыяслӧн 1 небӧг 17:37

Давид водзӧ сёрнитіс: «Господь, коді мездыліс менӧ левъясысь да ошъясысь, мездас менӧ тшӧтш тайӧ филистимсаысь». Сэки Саул шуис Давидлы: «Мун, Господь мед лоас тэкӧд».

Ӧксыяслӧн 1 небӧг 17:46

Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.