Даниил 2:23 - Коми Библия 2023

²³ Ме ошка-нимӧда Тэнӧ, менам батьяслысь Енмӧс, Тэ сетін меным мывкыдлун да вын. Тэ восьтін меным сійӧ, мый йылысь ми кевмысим Тэныд, Тэ восьтін миянлы ӧксылысь вӧтсӧ.

Даниил 2:23 Kruisverwysings

Олӧм 18:17

Господь шуис: «Дзеба ӧмӧй Ӧвраамысь [Аслам кесйӧгысь], мый кӧсъя вӧчны?

Олӧм 31:42

Эз кӧ вӧв мекӧд батьӧйлӧн Енмыс, Ӧвраамлӧн Енмыс, кодысь тшӧтш Исаак полӧ, тэ эськӧ ыстін менӧ куш киӧн. Енмыс аддзис менсьым мырсьӧмӧс да сьӧкыдалӧмӧс, та вӧсна дорйис менӧ войнас».

Ӧксыяслӧн 3 небӧг 18:36

Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти.

Ӧксыяслӧн 3 небӧг 8:57

Господь, миян Енным, мед пыр лоӧ миянкӧд, кыдзи Сійӧ пыр вӧлі миян батьяскӧд. Сійӧ мед оз коль да оз эновт миянӧс.

1 Каднебӧг 29:10

Чукӧртчӧм йӧз водзын Давид ошкис Господьӧс: «Господьӧй, миян Израиль батьлӧн Енмӧй, мед лоӧ ошкӧма Тэнӧ нэмъяс чӧж.

1 Каднебӧг 29:13

Миян Енмӧй, ӧні ми аттьӧалам да ошкам Тэнсьыд дзирдлуна нимтӧ.

2 Каднебӧг 20:6

Иосафат кевмысис: «Господьӧй, миян батьяслӧн Енмӧй! Тэ – енэжъяс вылын олысь Ен, Тэ веськӧдлан став войтыръясӧн. Тэнад киын выныс да ыджыдалӧмыс, некод оз вермы водзсасьны Тэкӧд.

Псалтыр 21:2

Енмӧй, Енмӧй! [Кыв менӧ!] Мыйла Тэ эновтін менӧ? Ме горзӧмӧн шыася Тэ дінӧ, мед Тэ мездін менӧ, но Тэ ылын меысь.

Псалтыр 21:4

Тэ вежа, Тэ олан Израиль войтыр пӧвстын, найӧ сьылӧмӧн ошкӧны Тэнӧ.

Псалтыр 50:14

Сет меным бара нимкодясьны мездмӧмысь, вына Ловнад ёнмӧд менӧ.

Петӧм 3:15

Ен нӧшта шуис Мӧисейлы: «Висьтав Израиль пиянлы, мый Господь, налӧн батьяслӧн Ен, Ӧвраамлӧн Ен, Исааклӧн Ен да Яковлӧн Ен, мӧдӧдіс тэнӧ на дінӧ. Чужысьяссянь чужысьясӧдз Менӧ кутасны шуны Господьӧн. Тайӧ Менам нимӧй пыр кежлӧ.

Шусьӧгъяс 21:22

Мывкыд мортыд босьтӧ вынаяслысь карсӧ, жугӧдӧ стенсӧ, мый вылӧ найӧ лача кутісны.

Шусьӧгъяс 24:5

Мывкыд мортыд вына, вежӧра мортыд асьсӧ ёнмӧдӧ.

Шусьӧгъяс 8:14

Туйдӧдӧмыс да мывкыда олӧмыс месянь локтӧ, гӧгӧрвоӧмсӧ да вынсӧ ме сета.

Еклесиаст 7:19

Мывкыда мортӧс мывкыдлуныс вӧчӧ карса дас юралысь дорысь вынаджыкӧн.

Еклесиаст 9:16

Ме шуи, мый вын дорысь мывкыдлуныд бурджык, но гӧль мортлысь мывкыдлунсӧ мустӧмтӧны, сылысь кывъяссӧ оз кывзыны.

Еклесиаст 9:18

Мывкыдлуныд шыпурт дорысь бурджык, но ӧти мыжа морт бырӧдӧ уна буртор.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Еремей 33:3

Шыась Ме дінӧ, и Ме вочавидза тэныд, юӧрта тэныд ыджыдторъяс йылысь, мый тэ он на тӧд да он гӧгӧрво.

Даниил 1:17

Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Даниил 2:18

Сійӧ корис найӧс кевмысьны енэжвывса Енмыслы, медым Сійӧ лоас бур сьӧлӧма на дінӧ да восьтас тайӧ гусяторсӧ, медым вавилонса мукӧд тӧдысьясӧс моз эз вины Даниилӧс да сылысь ёртъяссӧ.

Амос 3:7

Господь Ыджыдыс нинӧм оз вӧч, оз кӧ восьт гусяторсӧ Аслас кесйӧгъяслы, пророкъяслы.

Матвей 11:25

Сэки Исус шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы.

Лука 10:21

Сэки Исус тырис Вежа Ловсянь нимкодьлунӧн да шуис: «Ошка Тэнӧ, Батьӧй, енэжыс да муыс вылын Ыджыдалысьӧс! Тэ дзебин тайӧс сюсь вежӧраясысь да восьтін кага коддьӧмлы. Татшӧм вӧлі Тэнад бур кӧсйӧмыд, Батьӧй».

Иоан 11:41

Сэки вештісны изсӧ дзебанінысь, кӧні куйліс кулӧм Лазар. Енэжӧ видзӧдлӧмӧн Исус шуис: «Батьӧй, Ме аттьӧала Тэнӧ, мый Тэ кылін Менӧ.

Иоан 15:15

Ме ог нин шу тіянӧс кесйӧгъясӧн, ӧд кесйӧг оз тӧд, мый ыджыдыс вӧчӧ. Ме шуа тіянӧс ёртъясӧн, ӧд Ме висьталі тіянлы ставсӧ, мый кывлі Батьсянь.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Восьтӧм 5:5

Сэки юрнуӧдысьяс пиысь ӧти шуис меным: «Эн бӧрд! Иуда чужанкотырысь, Давид чужанвужйысь Лев вермӧма! Сійӧ разяс тайӧ гижӧдсӧ да жугӧдас сизимнан печатьсӧ».