Даниил 2:21 - Коми Библия 2023

²¹ Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 2:21 Kruisverwysings

Ӧксыяслӧн 3 небӧг 10:24

Мувывса став йӧзыс зілисны аддзывны Соломонӧс да кывзыны сійӧс, ӧд сылӧн вӧлі Енсянь мывкыдлун.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Ӧксыяслӧн 3 небӧг 4:29

Ен сетіс Соломонлы ыджыд мывкыдлун, сюсь вежӧр да уна тӧдӧмлун, сылӧн тӧдӧмлуныс вӧлі саридздор лыа мында.

1 Каднебӧг 22:12

Господь мед сетас тэныд мывкыдлун да вежӧр, Сійӧ мед сувтӧдас тэнӧ веськӧдлыны Израиль войтырӧн, а тэ ставсӧ вӧч аслад Господь Енлӧн Индӧд серти.

1 Каднебӧг 29:30

Сэні гижӧма тшӧтш Давидлӧн юралӧм йылысь, сылӧн тӧдчана уджъяс йылысь, сылӧн олӧмын, Израильын да мукӧд муясын лоӧмторъяс йылысь.

Эсфир 1:13

Ӧксы ёна скӧрмис таысь, скӧрысла пузис ас пытшкас. Сійӧ шыасис мывкыда йӧз дінӧ, кодъяс тӧдісны, кыдзи важӧн вӧчлісны ӧксыяс. Ассьыс бӧръя кывсӧ шутӧдз ӧксы сёрнитіс накӧд, кодъяс тӧдісны индӧд да веськыда мыждӧм.

Иов 12:18

Ӧксы кипод улысь лэдзӧ кӧрталӧмаясӧс, а ӧксылы коскас кӧрталӧ кесйӧглысь вӧньсӧ.

Петӧм 31:3

Ме тырті Безалелӧс Аслам Лолӧн, сеті сылы мывкыдлун, вежӧр, тӧдӧмлун да кужӧмлун вӧчны быдпӧлӧс уджсӧ.

Петӧм 31:6

Ме сеті сылы отсӧг вылӧ Дан чужанкотырысь Ахисамаклысь Оголиав писӧ. Став киподтуя йӧзлы Ме сеті мывкыдлун, медым найӧ кужисны вӧчны ставсӧ, мый Ме тшӧкті тэныд.

Даниил 1:17

Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Даниил 10:1

Персияса Кир ӧксылӧн коймӧд веськӧдлан воӧ Данииллы, кодӧс шуисны Белтешацарӧн, вӧлі Енсянь восьтӧм. Тайӧ восьтӧмыс вӧлі збыль, но сійӧс сьӧкыд вӧлі гӧгӧрвоны. Даниил гӧгӧрвоис восьтӧмсӧ аддзылӧм пыр.

Даниил 11:6

Коляс мыйтакӧ во, и найӧ кӧрталасны йитӧд. Медым вынсьӧдны тайӧ йитӧдсӧ, лунвывса ӧксылӧн нылыс петас верӧс сайӧ войвывса ӧксы сайӧ. Но тайӧ аньыс оз вермы видзны тайӧ йитӧдсӧ, и сылӧн верӧсыс, войвывса ӧксы, воштас юралӧмсӧ. Бӧрынджык тайӧ аньсӧ, сылысь отсасьысьяссӧ да сылысь батьсӧ лоӧ бырӧдӧма.

Даниил 2:20

Сійӧ шуаліс: – Мед лоӧ ошкӧма Енлысь нимсӧ нэмъяс чӧж, ӧд Сылӧн эм мывкыдлуныс да выныс.

Даниил 2:23

Ме ошка-нимӧда Тэнӧ, менам батьяслысь Енмӧс, Тэ сетін меным мывкыдлун да вын. Тэ восьтін меным сійӧ, мый йылысь ми кевмысим Тэныд, Тэ восьтін миянлы ӧксылысь вӧтсӧ.

Даниил 2:9

Ті кӧ онӧ висьталӧй меным вӧтӧс, тіянӧс ставнытӧ виччысьӧ индӧд серти мыждӧм. Ті сёрнитчӧмныд ылӧдлыны да пӧрйӧдлыны менӧ, виччысянныд, мый мыйкӧ вежсяс. Висьталӧй менсьым вӧтӧс, сэки ме тӧдмала, мый ті сямманныд гӧгӧрвоӧдны сійӧс».

Даниил 4:14

Тадзи лоӧ андел-видзысьяслӧн тшӧктӧм серти, вежа анделъяслӧн шуӧм серти, мед ловъя олысьяс тӧдісны, мый Медвылыссаыс ыджыдалӧ мувывса став йӧзыс вылын, пуктӧ ӧксыӧ, кодӧс кӧсйӧ, пуктӧ юралысьӧ йӧз пӧвстысь медічӧтсӧ.

Даниил 4:17

Тэ аддзылін пу, коді вӧлі ыджыд да ён, йывнас сійӧ инмис енэжӧдзыс, тыдаліс му помӧдзыс.

Даниил 4:22

Тэнӧ вӧтласны йӧз дінысь, и тэ пондан овны пемӧсъяскӧд ӧтлаын. Ӧшкӧс моз тэнӧ пондасны вердны турунӧн, тэнӧ пондас кӧтӧдны лысва. Тадзи лоӧ сизим во чӧж, кытчӧдз тэ он гӧгӧрво, мый Медвылыссаыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Даниил 4:32

Мувывса олысьяс Сы водзын – нинӧм кодьӧсь. Енэжвыв тышкакотыръяскӧд да мувывса олысьяскӧд Сійӧ вӧчӧ, кыдзи кӧсйӧ. Некод оз вермы кутны Сылысь кисӧ да шуны: ”Мый Тэ вӧчан?”

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Римӧ 13:1

Быдӧн мед кывзысьӧ аслас юралысьыслысь, ӧд юралӧмсӧ Ен лӧсьӧдӧма, и юралысьсӧ тшӧтш Ен пуктӧма.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.