Даниил 12:6 - Коми Библия 2023

⁶ Ӧтиыс на пиысь юаліс шабді паськӧма анделлысь, коді сулаліс ю весьтын: «Дыр-ӧ на виччысьны сійӧ кадсӧ, кор помасясны тайӧ шензьӧданаторъясыс?»

Даниил 12:6 Kruisverwysings

Псалтыр 74:9

Господь киын чашаыс, сэні быгзьӧ чорыд вина. Сійӧ кисьталӧ сэтысь лёк вӧчысьяслы, и найӧ юӧны, юӧны весиг пыдӧссьыс став гудырсӧ.

Езекиль 9:2

Сэки квайт морт локтісны войвывлань видзӧдысь вылыс дзиръя дорсянь. Быдӧнлӧн киас вӧлі виалӧм могысь тышкасянтор. Накӧд тшӧтш локтіс шабді паськӧма морт, кодлӧн вӧнь бердас вӧлі гижасянтор. Локтысьяс сувтісны ыргӧн висьпуктанін дорӧ.

Даниил 12:5

Сэсся ме, Даниил, аддзи кык сулалысьӧс: ӧтиыс сулаліс ю таладорас, мӧдыс – ю мӧдлапӧлас.

Даниил 12:8

Ме кывзі тайӧ кывъяссӧ, но эг гӧгӧрво. Ме юалі: «Ыджыдӧй, а мый лоӧ та бӧрти?»

Даниил 8:13

Ме кывлі кык вежалысь сёрнисӧ. Ӧтиыс юаліс мӧдыслысь: «Дыр-ӧ на тадзи лоӧ? Быдлунся вись вайӧмсӧ дугӧдӧма, вежаинсӧ да тышкайӧзсӧ талялӧма, и лёкыс куштӧ-пазӧдӧ».

Даниил 8:16

Улай ю весьтысь ме кылі мортлысь гӧлӧс шысӧ. Сійӧ шуис: «Гавриил, гӧгӧрвоӧд сылы аддзылӧмсӧ!»

Матвей 24:3

Кор Исус вӧлі пукалӧ Олив керӧсын, Сы дінӧ локтісны велӧдчысьясыс да юалісны: «Висьтав, кор ставыс тайӧ лоас? Мый серти ми тӧдмалам Тэнсьыд локтӧмтӧ да нэм помасьӧмсӧ?»

Марк 13:4

«Висьтав, кор ставыс тайӧ лоас? Мый серти ми тӧдмалам сійӧ кадсӧ?»

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

Восьтӧм 15:6

Крамысь петісны сизим андел, кодъяслӧн вӧлі сизим бырӧдантор. Анделъяслӧн шабді паськӧмыс вӧлі лым кодь еджыд, морӧс весьтас налӧн вӧлі кӧрталӧма зарни вӧнь.

Восьтӧм 19:14

Сы бӧрся еджыд вӧвъяс вылын мунісны енэжвывса тышкакотыръяс, найӧ вӧлі пасьтасьӧмаӧсь еджыд да сӧстӧм шабді паськӧмӧ.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»