Даниил 12:3 - Коми Библия 2023

³ Нэмъяс чӧж мывкыдаяс пондасны дзирдавны югыд кыа моз, веськыдлунас унаӧс туйдӧдысьяс – кодзувъяс моз.

Даниил 12:3 Kruisverwysings

Петӧм 34:35

Израиль пиян аддзывлісны, кыдзи дзирдаліс Мӧисейлӧн чужӧмыс. Та вӧсна Мӧисей вевттьыліс ассьыс чужӧмсӧ сійӧ кадӧдзыс, кор бара мунліс сёрнитны Господькӧд.

Шусьӧгъяс 11:30

Веськыда олысьлӧн вотӧсысь быдмӧ олӧмыслӧн пу, мывкыд морт кыскӧ йӧзӧс ас дінас.

Шусьӧгъяс 3:35

Мывкыд йӧз кутасны нимавны, а вежӧртӧмъяс яналасны.

Шусьӧгъяс 4:18

Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Еклесиаст 12:9

Еклесиаст вӧлі мывкыд морт, сійӧ юксис тӧдӧмлуннас войтырыскӧд. Сійӧ унатор туяліс-тӧдмаліс и лӧсьӧдіс уна шусьӧг.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Еремей 23:22

Найӧ кӧ вӧліны Ме дінын, кор Ме туйдӧді пророкъясӧс, найӧ эськӧ Менам войтырлы висьталісны Менсьым кывъясӧс, бергӧдісны эськӧ найӧс лёк туйсьыныс да лёк уджъяссьыныс.

Даниил 11:33

Израиль войтырлӧн мывкыд веськӧдлысьяс унаӧс туйдӧдасны-велӧдасны, но дженьыд кадӧн на пиысь кодсюрӧӧс виасны шыпуртӧн, сотасны, нуӧдасны пленӧ, налысь мырддясны эмбурнысӧ.

Даниил 11:35

Мывкыд веськӧдлысьясысь кодсюрӧ куласны, медым на пиысь ловйӧн кольӧмаясӧс тӧдмавны да весавны-сӧстӧммӧдны бӧръя кад кежлӧ, ӧд урчитӧм кадыс эз на во.

Даниил 12:10

Унаӧс лоӧ весалӧма-сӧстӧммӧдӧма да тӧдмалӧма, но лёк йӧз кутасны водзӧ вӧчны лёксӧ. Лёк йӧз оз гӧгӧрвоны тайӧс, а мывкыдаяс гӧгӧрвоасны.

Матвей 13:43

Веськыда олысьяс сэки Батьныслӧн Юраланінын шонді моз кутасны югъявны. Кодлӧн эм пель, мед кылӧ!»

Матвей 19:28

Исус шуис: «Веськыда висьтала тіянлы: выль олӧмын Морт Пи пуксяс дзирдлуныслӧн юралан пуклӧсӧ. Тшӧтш ті, Ме бӧрся мунысьяс, пуксянныд дас кык юралан пуклӧсӧ мыждыны израильса дас кык чужанкотырӧс.

Матвей 24:45

«Лоӧй эскана да мывкыд кесйӧг кодьӧсь. Татшӧмсӧ ыджыдыс пуктас веськӧдлыны мукӧд кесйӧгъясӧн, медым ас кадӧ сетны налы сёян-юан.

Иоан 4:36

Вундысь босьтӧ удждонсӧ ӧні нин, сійӧ чукӧртӧ няньсӧ помтӧм олӧмӧ. Та вӧсна кӧдзысь да вундысь ӧтвыв нимкодясьӧны.

Иоан 5:35

Иоан вӧлі яръюгыда ӧзъялысь би, сӧмын этша кад ті кӧсйинныд нимкодясьны сылӧн югӧр улын.

Ап. уджъяс 13:1

Антиокия вичкоын вӧліны пророкъяс да велӧдысьяс: Варнава, Симеон, кодӧс шуисны Нигерӧн, Киринеяысь Лукий, Манаин, коді быдмылӧма Ирӧд ӧксыкӧд, да Савл.

1 Коринфӧ 3:10

Енлӧн бурсетӧмыс вӧсна ме лои бур тэчысьӧн да пукті подувсӧ, а мӧд лэптӧ сы вылӧ. Но быдӧн мед видзӧдӧ аслас удж бӧрся.

Ефесӧ 4:11

Ӧтиясӧс Сійӧ сувтӧдіс апостолъясӧн, мӧдъясӧс – пророкъясӧн, коймӧдъясӧс – буръюӧртысьясӧн, нёльӧдъясӧс – вичкоса веськӧдлысьясӧн, витӧдъясӧс – велӧдысьясӧн,

Еврейяслы 5:12

Видзӧдлыны кӧ кадыс вылӧ, тіянлы важӧн нин колӧ лоны велӧдысьясӧн, но миянлы выльысь лоӧ висьтавны тіянлы Енлысь кывсӧ водзысяньыс. Тіянӧс пыр на колӧ вердны йӧлӧн, а оз чорыд сёянӧн.

2 Петыр 3:15

Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным.

Восьтӧм 1:20

Тэ аддзылін Менам веськыд киысь сизим кодзув, нӧшта аддзылін сизим зарни бикок. Налӧн гусяторйыс татшӧм: сизим кодзулыс – тайӧ сизим вичколӧн анделъяс, а сизим бикокыс, кодъясӧс тэ аддзылін, – тайӧ сизим вичко».

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.