Даниил 11:6 - Коми Библия 2023

⁶ Коляс мыйтакӧ во, и найӧ кӧрталасны йитӧд. Медым вынсьӧдны тайӧ йитӧдсӧ, лунвывса ӧксылӧн нылыс петас верӧс сайӧ войвывса ӧксы сайӧ. Но тайӧ аньыс оз вермы видзны тайӧ йитӧдсӧ, и сылӧн верӧсыс, войвывса ӧксы, воштас юралӧмсӧ. Бӧрынджык тайӧ аньсӧ, сылысь отсасьысьяссӧ да сылысь батьсӧ лоӧ бырӧдӧма.

Даниил 11:6 Kruisverwysings

Иов 38:15

лёк вӧчысьяслысь югыдсӧ босьтіс, налысь ыршасян кияссӧ чегъяліс?

Псалтыр 10:5

Господь тӧдмалӧ веськыда олысьӧс, а лёк вӧчысьӧс да виалӧм-дзескӧдӧмсӧ радейтысьӧс Сійӧ мустӧмтӧ.

Езекиль 30:21

«Морт пиӧй, Ме чеги фараонлысь, египетса ӧксылысь, кисӧ. Некод оз гартышт сылысь кисӧ, медым киыс бурдіс. Сылӧн киыс оз вынсяв, оз вермы кутны шыпурт.

Даниил 11:13

Войвывса ӧксы выльысь чукӧртас воддза дорсьыс на унджык тышкайӧзӧс. Кымынкӧ во мысти бура дасьтысьӧмӧн сійӧ бара уськӧдчас аслас уна лыда тышкайӧзкӧд лунвывса ӧксы вылӧ.

Даниил 11:15

Сэсся локтас войвывса ӧксы, кар гӧгӧрыс вӧчас тымӧд да босьтас изкарсӧ. Лунвывса ӧксылӧн тышкайӧзыс, весиг медвынаясыс, оз вермыны водзсасьны сыкӧд.

Даниил 11:40

Бӧръя кадас лунвывса ӧксы петас тышӧ войвывса ӧксылы паныд. Ыджыд тӧвныр моз войвывса ӧксы уськӧдчас сы вылӧ аслас тарантасъясӧн, вӧвъясӧн да корабльясӧн. Ойдӧм ва моз сійӧ ыльӧбтас-уськӧдчас уна му вылӧ.

Даниил 11:7

Но тайӧ аньыслӧн чужанвужйысь петӧм морт лоӧ лунвывса ӧксыӧн, и сійӧ петас тышӧ войвывса ӧксылӧн тышкайӧзлы паныд. Сійӧ пырас налӧн изкарӧ, уськӧдчас на вылӧ да вермас найӧс.

Закар 11:16

Со, Ме сувтӧда тайӧ муас олысьяслы видзысьӧс, коді оз кут тӧждысьны кулысь ыжъяс вӧсна, оз кут корсьны вошӧмаясӧс, оз кут бурдӧдавны доймалӧмаясӧс да оз кут вердны ёнъясӧс. Но сійӧ чегъялас тшӧгӧм ыжъяслысь гыжъяссӧ, а яйсӧ сёяс.