Даниил 11:4 - Коми Библия 2023

⁴ Но сылӧн юралӧмыс ӧдйӧ киссяс да разалас нёльнан му пельӧсӧ. Сылӧн юралӧмыс оз вудж сысянь чужысьяслы, и оз нин ло сэтшӧм вына, кутшӧм вӧлі сылӧн юралігӧн. Сылысь юралӧмсӧ лоӧ вужнас нетшыштӧма да сетӧма мукӧдыслы.

Даниил 11:4 Kruisverwysings

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еремей 12:15

Но нетшыштӧм бӧрын Ме бара бурсьӧлӧмтча тайӧ войтыръясыс дінӧ да быд войтырӧс бергӧда аслас муӧ.

Еремей 12:17

А сійӧ войтырсӧ, коді оз кывзысь Менсьым, Ме нетшышта да дзикӧдз бырӧда», – висьталӧ Господь.

Еремей 18:7

Ме верма шуны кутшӧмкӧ войтыр йылысь, мый Ме вужнас нетшышта сійӧс да пазӧда-бырӧда.

Еремей 31:40

Став ковтысыс, кытчӧ гуалӧма морт шойяс да шыблалӧма сотӧм висьяслысь пӧимсӧ, тшӧтш асыввылын став видз-муыс Кедрон ковтысӧдз да Вӧв дзиръя пельӧсӧдз лоӧны Господьлӧн вежа карӧн. Тайӧ карсӧ сэсся некор оз ло пазӧдӧма-бырӧдӧма.

Еремей 45:4

Но Господь тшӧктіс меным юӧртны тэныд, мый Сійӧ тадзи висьталӧ: ”Мый Ме лэпті, жугӧда, и мый Ме вужйӧді, нетшка. Вӧча тайӧс став му пасьталаыс.

Еремей 49:36

Енэжлӧн нёльнан пельӧссянь Ме мӧдӧда Элам вылӧ нёль тӧвныр да разӧда эламсаясӧс. Оз сюр сэтшӧм войтыр, код пӧвстӧ оз локны Эламысь вӧтлӧмаяс.

Езекиль 37:9

Господь шуис меным: «Пророкав ловлы, морт пиӧй! Пророкалӧмӧн шу ловлы, мый Господь Ыджыдыс тадзи висьталӧ: лов, лок нёльнан пельӧссянь да пӧльышт олӧмсӧ тайӧ виӧмаяс пытшкӧ, медым найӧ ловзясны».

Даниил 7:2

Войся аддзылӧмын меным, Данииллы, вӧлі петкӧдлӧма, кыдзи енэжыслӧн нёль тӧв гызьӧдісны ыджыд саридз.

Даниил 7:6

Сэсся ме аддзи коймӧд зверӧс. Сійӧ вӧлі леопард кодь, мыш вылас сылӧн вӧлі лэбачлӧн кодь нёль борд. Тайӧ зверыслӧн вӧлі нёль юр, сылы вӧлі сетӧма ыджыдавны му вылын.

Даниил 7:8

Менам видзӧдігкості тайӧ сюръяс пӧвстас быдмис ӧти ичӧт сюр. Дас сюр пӧвстсьыс куимсӧ вӧлі нетшыштӧма, медым сетны места быдмыны ичӧт сюрыслы. Тайӧ сюрыслӧн вӧліны мортлӧн кодь синъяс да ышнясьӧмӧн сёрнитысь вом.

Даниил 8:22

Кор тайӧ сюрыс чегис, сы пыдди петіс нёль сюр. Тайӧ петкӧдлӧ, мый тайӧ войтыр пӧвстсьыс петас нёль юралӧм, но найӧ оз лоны медводдза ӧксылӧн юралӧмыс кодь вынаӧсь.

Даниил 8:8

Ай кӧза пондіс ёна ышнясьны. Но кор сійӧ лои вынйӧра, сэки чегис да усис сылӧн ыджыд сюрыс, а сы пыдди петіс нёль сюр, найӧ чурвидзисны нёльнан му пельӧслань.

Закар 2:6

– Тэрмасьӧй, тэрмасьӧй! Пышйӧй войвыв муысь, – висьталӧ Господь. – Ӧд тӧвруӧс моз Ме разӧді тіянӧс нёльнан му пельӧсӧ, – висьталӧ Господь. –

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Матвей 12:25

Налысь мӧвпъяссӧ тӧдӧмӧн Исус шуис: «Ас муын олысьяс кӧ ас костаныс тышкасьӧны, тайӧ муыс кушмас. Зыксьӧмӧн олысь карыд да керкаыд дыр оз сулав.

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

Восьтӧм 7:1

Та бӧрти ме аддзи нёль анделӧс. Найӧ сулалісны нёльнан му пельӧсас да кутісны мулысь нёльнан тӧвнырсӧ, медым тӧлыс эз пӧльт му вылӧ, саридз вылӧ да некутшӧм пу вылӧ.