Даниил 11:36 - Коми Библия 2023

³⁶ Войвывса ӧксы пондас вӧчны, мый кӧсъяс. Сійӧ пондас ышнясьны да пуктас асьсӧ став енъяссьыс вылӧджык на, пондас лёкӧдны-омӧльтны медыджыд Енмӧс. Сылӧн ставыс кутас артмыны, кытчӧдз оз кус Енлӧн скӧрлуныс. Ӧд мый вӧлі водзвыв шуӧма, ставыс збыльмас.

Даниил 11:36 Kruisverwysings

Псалтыр 136:2

Ми ӧшлім ассьыным гуслияснымӧс юдорса бадьяс вылӧ.

Псалтыр 33:10

Полӧй Господьысь, Сылӧн вежа войтыр! Сыысь полысьяслӧн ставыс лоӧ тырмымӧн.

Шусьӧгъяс 19:21

Мортыд ас водзас уна мог сувтӧдӧ, но инас сӧмын Господьӧн шуӧмаыс.

Исай 10:23

Ыджыдыс, Господь Саваоф, вӧчас Аслас шуӧмыс серти – бырӧдӧмыс лоас став му пасьтала.

Исай 10:25

Но регыд нин, вывті регыд Менам лӧглунӧй тіян вылӧ кусас. Менам скӧрлунӧй бергӧдчас Ассур вылӧ, медым бырӧдны сійӧс.

Исай 10:5

Курыд шог Ассурлы, Менам скӧралан бедьлы. Сы киын орсыс – Менам лӧглунӧй.

Исай 14:13

Тэ мӧвпалін: «Ме кыпӧдча енэжас, сувтӧда ассьым юралан пуклӧсӧс Енлӧн кодзувъясысь вылӧджык на, ме пукся енъяслӧн керӧс вылӧ, ылі войвыв керӧс йылӧ.

Исай 14:14

Ме кыпӧдча кымӧръясысь вылӧджык на, лоа Медвылысса Ен кодь!»

Исай 26:20

Менам войтырӧй, мунӧй асланыд гортӧ да йигнасьӧй! Дзебсьӧй дженьыдик кад кежлӧ, кытчӧдз оз лӧнь Господьлӧн скӧрлуныс.

Исай 30:33

Ассурлы важӧн нин дасьтӧма сотанін, сотӧмыс виччысьӧ тшӧтш ӧксыӧс. Джуджыд да паськыд гуын дасьтӧма уна пес, ыджыд бипур. Ыпнитысь тэгйӧс моз Господьлӧн ловшыыс ӧзтас бипурсӧ.

Исай 46:10

Водзысяньыс Ме юӧрта тіянлы, мый лоӧ, водзвыв висьтала тіянлы сы йылысь, мый эз на вӧв. Ме висьтала тіянлы: Менам мӧвпыштӧмӧй збыльмас, Ассьым кӧсйӧмӧс Ме пӧрта олӧмӧ.

Исай 57:9

Асьтӧ чӧскыд дука выйӧн ёна мавтӧмӧн тэ ветлывлін Молок идол дінӧ. Тэ ылӧдз мӧдӧдлін ассьыд йӧзтӧ, мӧдӧдлін весиг пыдӧстӧминӧдз.

Езекиль 28:2

«Морт пиӧй, шу тирса юралысьлы, мый Господь Ыджыдыс тадзи висьталӧ: тэ вылӧ кыпӧдчин да шуин, ме пӧ ен, пукала пӧ саридз шӧрын енлӧн пуклӧсын. Но тэ сӧмын морт, абу ен, кӧть ассьыд вежӧртӧ ӧткодялан енлӧн вежӧрыскӧд.

Езекиль 35:13

Ті вылӧ кыпӧдінныд асьнытӧ Ме водзын, ышнясьӧмӧн сёрнитінныд Меным паныд. Ме ставсӧ тайӧс кывлі.

Даниил 11:16

Войвывса ӧксы кутас вӧчны, мый кӧсъяс, и некод оз вермы сылы паныд сувтны. Аслас тышкайӧзкӧд сійӧ локтас мича муӧ да бырӧдас сійӧс.

Даниил 11:3

Сійӧ кадас кыпӧдчас вына ӧксы, коді пондас юравны ыджыд вынӧн да кутас вӧчны, мый кӧсъяс.

Даниил 11:37

Сійӧ оз кут пыдди пуктыны аслас батьяслысь енъяссӧ, аньяслысь муса енсӧ и некутшӧм енмӧс, но асьсӧ пуктас ставсьыныс медвылӧ.

Даниил 12:7

Ме аддзи шабді паськӧма анделӧс, коді сулаліс ва весьтын. Веськыд да шуйга кисӧ енэжланьыс кыпӧдӧмӧн сійӧ кыв сетіс помтӧг Олысь водзын: «Коляс ӧти кадколаст, сэсся кык кадколаст да нӧшта кадколаст джын. Кор вежа войтырӧс лоӧ разӧдӧма, сэки ставыс тайӧ инас».

Даниил 2:47

Ӧксы шуис Данииллы: «Збыльысь, тіян Енныд – енъяслӧн Ен да ӧксыяслӧн Ыджыдыс. Сійӧ – гусятор Восьтысь, ӧд тэ вермин восьтны тайӧ гусяторсӧ».

Даниил 5:19

Сылӧн ыджыдалан вынысь, мый сетіс сылы Енмыс, полісны-тіралісны войтыръяс, чужанкотыръяс да быд кыла йӧз. Кодӧс ӧксы кӧсйис, сійӧс и виис, кодӧс кӧсйис, сійӧс ловйӧн колис, кодӧс кӧсйис, сійӧс кыпӧдіс, кодӧс кӧсйис, сійӧс лэдзис.

Даниил 5:20

Но ачыс сійӧ вылӧ кыпӧдчис, чорзьӧдіс сьӧлӧмсӧ да пондіс этш тӧдтӧг ышнясьны, и сійӧс вӧлі шыбитӧма ӧксылӧн юралан пуклӧсысь, сійӧ воштіс ассьыс нималӧмсӧ.

Даниил 7:8

Менам видзӧдігкості тайӧ сюръяс пӧвстас быдмис ӧти ичӧт сюр. Дас сюр пӧвстсьыс куимсӧ вӧлі нетшыштӧма, медым сетны места быдмыны ичӧт сюрыслы. Тайӧ сюрыслӧн вӧліны мортлӧн кодь синъяс да ышнясьӧмӧн сёрнитысь вом.

Даниил 8:19

Сійӧ шуис меным: «Ме восьта тэныд, мый лоӧ бӧръя скӧралан лунъясӧ. Ӧд сійӧ, мый тэ аддзылін, висьталӧ урчитӧм бӧръя кад йылысь.

Даниил 8:4

Ме аддзылі, мый тайӧ межыс люкасис рытыввывлань, войвывлань да лунвывлань, и мукӧд пемӧсъяс эз вермыны водзсасьны сыкӧд, некод эз вермы мездысьны сыысь. Сійӧ вӧчис, мый кӧсйис, да ёна ышнясис.

Закар 11:16

Со, Ме сувтӧда тайӧ муас олысьяслы видзысьӧс, коді оз кут тӧждысьны кулысь ыжъяс вӧсна, оз кут корсьны вошӧмаясӧс, оз кут бурдӧдавны доймалӧмаясӧс да оз кут вердны ёнъясӧс. Но сійӧ чегъялас тшӧгӧм ыжъяслысь гыжъяссӧ, а яйсӧ сёяс.

Иоан 5:30

Ме нинӧм ог вӧч Ассянь. Ме мыжда сы серти, мый кыла Батьсянь, та вӧсна Менам мыждӧмӧй веськыд. Ӧд Ме ог Ас кӧсйӧм серти вӧч, а Менӧ мӧдӧдысь Батьлӧн кӧсйӧм серти вӧча».

Иоан 6:38

Ме ӧд лэччи енэжсянь эг Ас кӧсйӧм серти вӧчны, но лэччи, медым вӧчны Менӧ мӧдӧдысь Батьлӧн кӧсйӧм серти.

Ап. уджъяс 4:28

Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ.

Индӧд 10:17

Ӧд Господь, тіян Енныд, – енъяслӧн Ен да ыджыдъяслӧн Ыджыдыс. Сійӧ ыджыд, вына да повзьӧдана, Сійӧ оз видзӧд чужӧм вылӧ, козинъяс оз босьт.

2 Фессалоникаӧ 2:3

Энӧ сетӧй асьнытӧ ылӧдлыны некодлы, ӧд сійӧ луныс воас сӧмын сэки, кор йӧзыс кежасны Енсьыс. Сэки локтас мыжыслӧн морт, кулӧмыслӧн пи,

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

2 Фессалоникаӧ 2:8

сэки паныд сувтысь воссяс. Но Господь Исус локтігас виас сійӧс Аслас лолыштӧмнас да бырӧдас сійӧс Аслас дзирдлуннас.

Нав Исус 22:22

«Господь – енъяслӧн Ен! Господь, енъяслӧн Ен тӧдӧ, и Израиль мед тӧдас. Ми кӧ Господьлы паныд кыпӧдчам да эновтам Сійӧс, мед Сійӧ талун бырӧдас миянӧс.

Восьтӧм 10:7

Но сійӧ лунӧ, кор кылас сизимӧд анделлӧн трубаӧ тутсӧмыс, збыльмас Енлӧн гуся мӧвпыштӧмыс, мый йылысь Енмыс водзвыв висьтавліс пророкъяслы – Аслас кесйӧгъяслы».

Восьтӧм 12:14

Аньлы вӧлі сетӧма ыджыд кутшлысь кык борд, медым сійӧ лэбзис змейысь овтӧминӧ, сылы дасьтӧминӧ. Сэні кутасны вердны сійӧс куим во да джын.

Восьтӧм 13:1

Сэсся ме сувті саридз дорӧ да аддзи саридзысь петӧм зверӧс. Сійӧ вӧлі сизим юра да дас сюра. Быд сюрын вӧлі ӧти юркытш, а юръясас вӧлі гижалӧма Енмӧс лёкӧдана нимъяс.

Восьтӧм 17:17

Ӧд Енмыс пуктіс налӧн сьӧлӧмӧ, мед вӧчны Сылӧн кӧсйӧм серти. Ӧти кывйӧ воӧмӧн найӧ сетісны зверыслы ассьыныс ӧксыалӧмсӧ, кытчӧдз оз инны Енлӧн кывъясыс.

Восьтӧм 17:3

Ме вӧлі тырӧма Лолӧн, и андел вайӧдіс менӧ овтӧминӧ. Сэтысь ме аддзи аньӧс, коді пукаліс чим гӧрд рӧма звер вылын. Зверыслӧн вӧлі сизим юр да дас сюр. Тайӧ зверсӧ вӧлі дзоньнас гижалӧма Енмӧс лёкӧдана кывъясӧн.