Даниил 11:33 - Коми Библия 2023

³³ Израиль войтырлӧн мывкыд веськӧдлысьяс унаӧс туйдӧдасны-велӧдасны, но дженьыд кадӧн на пиысь кодсюрӧӧс виасны шыпуртӧн, сотасны, нуӧдасны пленӧ, налысь мырддясны эмбурнысӧ.

Даниил 11:33 Kruisverwysings

Даниил 12:10

Унаӧс лоӧ весалӧма-сӧстӧммӧдӧма да тӧдмалӧма, но лёк йӧз кутасны водзӧ вӧчны лёксӧ. Лёк йӧз оз гӧгӧрвоны тайӧс, а мывкыдаяс гӧгӧрвоасны.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Матвей 10:21

Вокыс воксӧ сетас вины, батьыс – писӧ. Ныв-пиыс сувтасны бать-мамыслы паныд да виасны найӧс.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Матвей 20:23

Исус шуис: «Менсьым чашаӧс понданныд юны да Менам пыртчӧмӧн понданныд пыртчыны. Но мед пуксьӧдны веськыдладорам да шуйгаладорам – тайӧ абу Ме сайын. Менам Бать сэтчӧ пуксьӧдысьыс».

Матвей 24:9

Тіянӧс пондасны дзескӧдны да унаӧс виасны. Менам ним вӧсна став войтыръяс мустӧмтасны тіянӧс.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Ап. уджъяс 11:26

Во чӧж найӧ чукӧртчывлісны сэні эскысьяскӧд да велӧдісны бура уна йӧзӧс. Антиокияын велӧдчысьясӧс медводдзаысь шуисны Кристос войтырӧн.

Ап. уджъяс 14:21

Дервияын Павел да Варнава висьтавлісны Евангелльӧ став карыслы, бура уна велӧдчысь сэні лои. Сэсся бӧрсӧ локтісны Листра, Икония да Антиокия пыр.

1 Коринфӧ 4:9

Но ме чайта, Енмыс пуктіс миянӧс, апостолъясӧс, медбӧръя лыдас. Ми кулӧм вылӧ мыждӧмаяс кодьӧсь, муюгыдас быд олысьлы – анделъяслы и йӧзыслы – ми лоим видзӧданторйӧн.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

2 Тимофейлы 4:6

Ӧні ме Ен водзӧ вайӧм вись кодь, воис кад меным мунны.

Еврейяслы 11:34

кусӧдісны яр би, видзисны асьнысӧ шыпуртысь, вынтӧммиганыс найӧ ёнмылісны, тышын вӧліны вынаӧсь, йӧз муысь воысь тышкасьысьясӧс бӧр вӧтлісны асланыс муысь,

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 17:6

Ме аддзи, мый аньыс вӧлі коддзӧма вежа войтырлӧн да Исус йылысь висьталысьяслӧн вир юӧмысь. Сійӧс аддзӧм бӧрын ме ёна шензи.

Восьтӧм 2:13

Ме тӧда тэнсьыд уджъястӧ. Тэ олан сэні, кӧні сӧтаналӧн юралан пуклӧсыс, но тэ зумыда кутчысян Менам нимӧ. Тэ эн соссьы Меным эскӧмысь весиг сэки, кор тіянын, сӧтана оланінын, виисны Антипаӧс – Менсьым эскана висьталысьӧс.

Восьтӧм 6:9

Кор Баля жугӧдіс витӧд печатьсӧ, висьпуктанін улысь ме аддзи ловъяссӧ налысь, кодъясӧс вӧлі виӧма Ен кыв вӧсна да Ен йылысь висьталӧм вӧсна.

Восьтӧм 7:14

«Ыджыдӧй, тэ ачыд тӧдан», – вочавидзи ме. Сэки сійӧ шуис меным: – Тайӧ йӧзыс мунісны уна сьӧкыд пыр. Найӧ мыськисны паськӧмнысӧ Баля вирӧн, и паськӧмныс лои еджыд.