Даниил 11:18 - Коми Библия 2023

¹⁸ Войвывса ӧксы мӧдӧдчас саридздорса муясӧ и уна му босьтас аслас кипод улӧ. Но мукӧд тышкайӧзлӧн юралысь пуктас пом войвывса ӧксылӧн вывтіасьӧмлы и сылысь вывтіасьӧмсӧ бергӧдас сылы паныд.

Даниил 11:18 Kruisverwysings

Эсфир 10:1

Быд муын да діяс вылын олысьяслы Артаксеркс ӧксы индіс мынтыны вот.

Исай 66:19

Ме петкӧдла налы индысьпас. Кодсюрӧӧс ловйӧн кольӧмаяс пӧвстысь Ме мӧдӧда юӧртны Менам дзирдлун йылысь войтыръяслы Фарсисӧ, Пулӧ да Лудӧ, кӧні лыйсьӧны ньӧввужйысь. Мӧдӧда юӧртысьясӧс тшӧтш Тувалӧ да Яванӧ, ылі саридздорса муясын олысь йӧз дінӧ, кодъяс эз на кывлыны Ме йылысь да эз на аддзывны Менсьым дзирдлунӧс.

Еремей 2:10

Мунӧй киттимса діяс вылӧ, мӧдӧдӧй Кедарӧ йӧзӧс, сюся видзӧдӧй-тӧдмалӧй, вӧчӧны-ӧ сэтчӧс войтыръяс Менам войтыр моз.

Еремей 31:10

Войтыръяс, кывзӧй Господьлысь кывсӧ, саридз сайын олысьяслы юӧртӧй: «Израиль войтырӧс разӧдысь бӧр чукӧртас найӧс, ыж видзысь моз кутас видзны найӧс».

Езекиль 27:6

пелысъястӧ – васанса тупуысь, джоджъястӧ – киттимса діяс вылысь вайӧм бук пуысь, тэнӧ мичмӧдісны слӧн лыӧн.

Осий 12:14

Ефрем ёна дӧзмӧдіс Господьӧс. Та вӧсна вир кисьтӧмысь мыжсӧ Господь коляс сы вылӧ, Господьӧс омӧльтӧмсӧ бергӧдас сылы аслыс.

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Ёрдысьяс 1:7

Везекса ӧксы шуис: «Сизимдас ӧксылысь ки-коксьыс певсӧ ме керыштлі, и найӧ менам пызан улысь торпыригсӧ чукӧртлісны. Ӧні Енмыс менсьым водзӧс перйис». Сійӧс вайӧдісны Ерусалимӧ, сэні сійӧ куліс.