Даниил 11:15 - Коми Библия 2023

¹⁵ Сэсся локтас войвывса ӧксы, кар гӧгӧрыс вӧчас тымӧд да босьтас изкарсӧ. Лунвывса ӧксылӧн тышкайӧзыс, весиг медвынаясыс, оз вермыны водзсасьны сыкӧд.

Даниил 11:15 Kruisverwysings

Еремей 33:4

Господь, Израильлӧн Ен, тадзи висьталӧ: вӧрӧглӧн тымӧдысь да шыпуртысь тайӧ карыслӧн керкаясыс да иудаса ӧксыяслӧн керкаясыс киссясны.

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Еремей 52:4

Та вӧсна Седекейлӧн ӧкмысӧд веськӧдлан воӧ дасӧд тӧлысьлӧн дасӧд лунӧ вавилонса Навукодоносор ӧксы аслас тышкайӧзкӧд уськӧдчис Ерусалим кар вылӧ. Найӧ кытшалісны карсӧ да лэптісны сы гӧгӧр тымӧд.

Еремей 6:6

Ӧд Господь Саваоф тадзи висьталӧ: – Кералӧй пуяссӧ, Ерусалимлы паныд кыпӧдӧй тымӧд. Тайӧ карас ыджыдалӧ нартитӧм, та вӧсна сійӧс виччысьӧ мыждӧм.

Езекиль 17:17

Кор вавилонсаяс лэптасны Ерусалим кар гӧгӧр тымӧдъяс, медым бырӧдны уна йӧзӧс, фараон аслас уна да вына тышкайӧзыскӧд оз отсав сылы тышын.

Езекиль 4:2

Карсӧ босьт кытшӧ. Кар гӧгӧрыс лэпты тымӧд, сувтӧдав тышкайӧзӧс да стен жуглан керъяс.

Даниил 11:14

Сійӧ кадас унаӧн кыпӧдчасны лунвывса ӧксылы паныд. Тэнад Израиль войтырыд пӧвстысь тшӧтш кыпӧдчасны сылы паныд лёк вӧчысьяс, медым иніс Енсянь восьтӧмыс. Но найӧс лоӧ вермӧма.

Даниил 11:6

Коляс мыйтакӧ во, и найӧ кӧрталасны йитӧд. Медым вынсьӧдны тайӧ йитӧдсӧ, лунвывса ӧксылӧн нылыс петас верӧс сайӧ войвывса ӧксы сайӧ. Но тайӧ аньыс оз вермы видзны тайӧ йитӧдсӧ, и сылӧн верӧсыс, войвывса ӧксы, воштас юралӧмсӧ. Бӧрынджык тайӧ аньсӧ, сылысь отсасьысьяссӧ да сылысь батьсӧ лоӧ бырӧдӧма.

Даниил 8:7

Ме аддзылі, мый меж дінӧ матыстчигӧн сійӧ нӧшта на пузис скӧрысла, уськӧдчис меж вылӧ да чегис сылысь кыкнан сюрсӧ. Межлӧн эз вӧв выныс водзсасьны ай кӧзакӧд. Ай кӧза уськӧдіс межӧс муас да таляліс сійӧс. Некод эз вермы мездыны сійӧс ай кӧзаысь.

Нав Исус 1:5

Тэныд паныд сувтны некод оз вермы став тэнад олан лунъяс чӧжыд. Ме лоа тэкӧд, кыдзи вӧлі Мӧисейкӧд. Ог эновт да ог коль тэнӧ.