Даниил 1:4 - Коми Библия 2023

⁴ кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Даниил 1:4 Kruisverwysings

Олӧм 41:46

Ӧсиплы вӧлі комын арӧс, кор сійӧ кутіс кесъявны фараонлы, египетса ӧксылы. Фараон дінысь петӧм бӧрын Ӧсип кытшовтіс ставнас Египет мусӧ.

Ӧксыяслӧн 2 небӧг 14:25

Израиль му пасьтала эз вӧв Авессаломысь мичаджыкыс да ошканаыс. Юр вывсяньыс да кок пыдӧсӧдзыс сылӧн ставыс вӧлі тыр-бур.

Шусьӧгъяс 22:29

Сяммысь-кужысь морт вылӧ видзӧд – сійӧ кутас кесъявны ӧксыяслы, оз прӧстӧй йӧзлы.

Еклесиаст 7:19

Мывкыда мортӧс мывкыдлуныс вӧчӧ карса дас юралысь дорысь вынаджыкӧн.

Исай 36:11

Эляким, Шевнай да Йоах шуисны ассурса ӧксылӧн эскана мортлы: «Корам тэнӧ, ыджыдӧй, сёрнит миянкӧд арамей кыв вылын, ми ӧд гӧгӧрвоам. Эн сёрнит миянкӧд еврей кыв вылын, ӧд карса стен вылын войтырыс ставсӧ кылӧ».

Еремей 5:15

Кывзы, Израиль войтыр! Ме вайӧда тэныд паныд ылі муысь войтырӧс, – висьталӧ Господь. – Тайӧ войтырыс вына, сійӧ вӧлі важысянь нин, сылысь кывсӧ тэ он тӧд, сёрнисӧ он гӧгӧрво.

Даниил 2:10

Тӧдысь-туналысьяс вочавидзисны ӧксылы: «Му вылас оз сюр сэтшӧм мортыс, коді эськӧ вермас висьтавны ӧксылы, мый сійӧ корӧ. Весиг медыджыд да медвына ӧксы некор эз юасьлы татшӧмтор йывсьыс туналысьяслысь, кимӧститчысьяслысь да калдеяса мывкыд йӧзлысь.

Даниил 2:2

Ӧксы тшӧктіс корны туналысьясӧс, кимӧститчысьясӧс, тшыкӧдчысьясӧс да калдеяса мывкыд йӧзӧс, медым найӧ гӧгӧрвоӧдісны сылысь вӧтъяссӧ. Найӧ локтісны да сувтісны ӧксы водзӧ.

Даниил 3:8

Но тайӧ кадас некымын калдеяса морт локтісны да удтысисны иудейяс вылӧ.

Даниил 4:7

Вольпасьын куйлігӧн менам вӧлі татшӧм аддзылӧм: Му шӧрас сулаліс зэв джуджыд пу,

Даниил 5:11

Тэнад муын олӧ морт, код пытшкын вежа Енлӧн Лолыс. Тэнад батьыдлӧн веськӧдлан кадӧ на аддзисны, мый сы пытшкын эм сюсьлун, вежӧрлун да енъяслӧн кодь мывкыдлун. Навукодоносор ӧксы, тэнад батьыд, пуктіс сійӧс туналысьяс, кимӧститчысьяс, калдеяса мывкыд йӧз да пемӧс мускӧн тунасьысьяс вылын ыджыдӧн.

Даниил 5:7

Ӧксы гораа горӧдіс, медым вайӧдісны сы дінӧ кимӧститчысьясӧс, калдеяса мывкыд йӧзӧс да пемӧс мускӧн тунасьысьясӧс. Сійӧ шуис вавилонса тӧдысь-туналысьяслы: «Коді лыддяс да гӧгӧрвоӧдас стенмӧ гижӧмасӧ, сійӧс пасьтӧдасны пемыдгӧрд паськӧмӧ, сьыліас ӧшӧдасны зарни чеп, и сійӧ лоӧ менам муын чин серти коймӧд юралысьӧн».

Даниил 9:1

Мидияса Дарийӧс, Ахашверошлысь писӧ, вӧлі пуктӧма ӧксыӧ Калдея муын.

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Ап. уджъяс 7:20

Сійӧ кадас чужис Мӧисей. Ен син водзын сійӧ вӧлі зэв мича. Куим тӧлысь чӧж сійӧс быдтісны бать керкаас.

Ап. уджъяс 7:22

Мӧисейӧс велӧдісны египетса став мывкыдлунӧ, сылӧн сёрниыс да уджъясыс вӧліны тӧдчанаӧсь.

Ефесӧ 5:27

медым сувтӧдны сійӧс Ас водзас быд боксянь мичаӧн: вежаӧн, сӧстӧмӧн, медым сылӧн эз вӧв некутшӧм няйттор, чукыр да тырмытӧмтор.

Ёрдысьяс 8:18

Зевейлы да Салманлы шуис: «Кутшӧм йӧзӧс ті виинныд Тавор керӧс вылын?» Найӧ вочавидзисны: «Тэ кодьӧсь вӧліны, быдӧн вӧлі ӧксы пи кодь».