Даниил 1:19 - Коми Библия 2023

¹⁹ Ӧксы сёрнитіс зонъяскӧд, и на пиысь некодӧс эз позь ӧткодявны Даниилкӧд, Хананейкӧд, Мисаэлкӧд да Азарийкӧд, и найӧс пуктісны кесъявны ӧксылы.

Даниил 1:19 Kruisverwysings

Олӧм 41:46

Ӧсиплы вӧлі комын арӧс, кор сійӧ кутіс кесъявны фараонлы, египетса ӧксылы. Фараон дінысь петӧм бӧрын Ӧсип кытшовтіс ставнас Египет мусӧ.

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Шусьӧгъяс 22:29

Сяммысь-кужысь морт вылӧ видзӧд – сійӧ кутас кесъявны ӧксыяслы, оз прӧстӧй йӧзлы.

Еремей 15:19

Господь меным тадзи висьталіс: – Тэ кӧ бергӧдчан Ме дінӧ, Ме сибӧда тэнӧ, и тэ кутан сулавны Ме водзын. Тэ кӧ кутан висьтавны донаторсӧ, он кӧ кут сёрнитны ковтӧмсӧ, сэки тэ лоан Менам вомӧн. Йӧзыс бергӧдчасны тэ дінӧ, но тэ эн бергӧдчы на дінӧ.

Даниил 1:18

Ӧксылӧн индӧм кадӧ ыджыд чинаясӧн веськӧдлысь вайӧдіс зонъясӧс Навукодоносор ӧксы дінӧ.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Даниил 1:5

тшӧктіс быд лун вердны-юктӧдны найӧс сёянӧн да винаӧн, мый сійӧ ачыс сёйліс-юліс. Куим во чӧж велӧдчӧм бӧрын налы колӧ вӧлі кесъявны ӧксылы.

Даниил 1:6

Бӧрйӧм зонъяс пӧвстын вӧліны Даниил, Хананей, Мисаэл да Азарий. Ставныс найӧ вӧліны Иуда чужанкотырысь.

Даниил 1:7

Ыджыд чинаясӧн веськӧдлысь сетіс налы выль нимъяс: Даниилӧс нимтіс Белтешацарӧн, Хананейӧс – Шадракӧн, Мисаэлӧс – Мешакӧн, Азарийӧс – Аведнегоӧн.

Даниил 2:13

Кор ӧксысянь петіс татшӧм тшӧктӧмыс, корсисны тшӧтш Даниилӧс да сылысь ёртъяссӧ, медым вины найӧс.

Даниил 3:29

Ми мыж вӧчим, лёк вӧчим, Тэысь кежим, быдторйын мыжмим.