Даниил 1:17 - Коми Библия 2023

¹⁷ Енмыс сетіс тайӧ нёль зонмыслы мывкыдлун, тӧдӧмлун да гижӧмторъяс гӧгӧрвоӧмлун, а Данииллы Енмыс сетіс нӧшта на сямлун гӧгӧрвоны быдпӧлӧс аддзылӧм-петкӧдчылӧм да вӧтъяс.

Даниил 1:17 Kruisverwysings

Ӧксыяслӧн 3 небӧг 3:12

Ме вӧча тэнад корӧм серти. Ме сета тэныд ыджыд мывкыдлун да сюсь вежӧр. Тэ кодь мортыс эз вӧв, и тэ бӧрын оз ло.

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

2 Каднебӧг 1:10

Сідзкӧ, сет меным мывкыдлун да вежӧр, медым ме верми нуӧдны тайӧ войтырсӧ. Ӧд вермас-ӧ кодкӧ веськӧдлыны Тэнад уна лыда войтырӧн?»

2 Каднебӧг 1:12

Ме сета тэныд мывкыдлун да вежӧр, а озырлунсӧ, овмӧс-эмбурсӧ да нималӧмсӧ Ме сета тэныд сы мында, мыйта эз на вӧв тэӧдз и оз ло тэ бӧрти веськӧдлысь ӧксыяслӧн».

2 Каднебӧг 26:5

Озей юрбитіс Енлы, кытчӧдз ловъя вӧлі Закар, коді велӧдіс войтырсӧ Енмысь вежавидзны. Кор Озей корсис Господьӧс, Ен отсӧгӧн сылӧн ставыс артмис.

Иов 32:8

Но ӧд морт пытшкас эм лов, Ставсӧвермысьлӧн лолыштӧмыс сетӧ сылы мывкыдлунсӧ.

Шусьӧгъяс 2:6

Ӧд мывкыдлунсӧ сетӧ Господь, тӧдӧмлуныс да вежӧрсялӧмыс локтӧ Сысянь.

Еклесиаст 2:26

Коді шогмана Енмыслы, сылы Енмыс сетӧ мывкыдлун, тӧдӧмлун да долыдлун. А мыж вӧчысьлы Енмыс сетӧ чӧжны-чукӧртны да кольны мортлы, коді шогмана Енмыслы. Но и тайӧ, вӧлӧмакӧ, весьшӧрӧ, тӧв бӧрся вӧтлысьӧм кодь.

Исай 28:26

Енмыс велӧдӧ сійӧс тадзи вӧчнысӧ, сылӧн Енмыс туйдӧдӧ сійӧс.

Езекиль 28:3

Тэ лоин Даниилысь мывкыдджык на, став гусяторйыс тэныд лои восьса.

Даниил 1:18

Ӧксылӧн индӧм кадӧ ыджыд чинаясӧн веськӧдлысь вайӧдіс зонъясӧс Навукодоносор ӧксы дінӧ.

Даниил 1:20

Быд пӧрйӧ, кор ӧксы юасис налысь мый йылысь кӧ, мый вылӧ колана вӧлі мывкыдлун да сюсь вежӧр, сійӧ аддзис, мый найӧ вӧліны дас пӧв мывкыдаӧсь сылӧн муас олысь став туналысь да кимӧститчысь дорысь.

Даниил 1:4

кодъяс чужӧмнас мичаӧсь да вир-яйнас тырвыйӧ бурӧсь, ыджыд мывкыдаӧсь, сюсь вежӧраӧсь да кужӧны пырӧдчыны быдпӧлӧс тӧдӧмлунӧ, медым кесъявны ӧксы керкаын. Ӧксы тшӧктіс велӧдны найӧс лыддьысьны да сёрнитны калдеяса кыв вылын,

Даниил 10:1

Персияса Кир ӧксылӧн коймӧд веськӧдлан воӧ Данииллы, кодӧс шуисны Белтешацарӧн, вӧлі Енсянь восьтӧм. Тайӧ восьтӧмыс вӧлі збыль, но сійӧс сьӧкыд вӧлі гӧгӧрвоны. Даниил гӧгӧрвоис восьтӧмсӧ аддзылӧм пыр.

Даниил 2:19

Войся аддзылӧмын Данииллы вӧлі восьтӧма тайӧ гусяторсӧ. Сэки Даниил ошкис енэжвывса Енмӧс.

Даниил 2:21

Сійӧ вежлалӧ кадъяс да вояс, вештӧ ӧксыясӧс да сувтӧдӧ выльясӧс, мывкыдаяслы Сійӧ сетӧ мывкыдлун, вежӧраяслы – вежӧрлун.

Даниил 2:23

Ме ошка-нимӧда Тэнӧ, менам батьяслысь Енмӧс, Тэ сетін меным мывкыдлун да вын. Тэ восьтін меным сійӧ, мый йылысь ми кевмысим Тэныд, Тэ восьтін миянлы ӧксылысь вӧтсӧ.

Даниил 2:30

А меным тайӧ гусяторсӧ восьтӧма абу сы понда, мый ме быттьӧ му вылас став олысьяс дорысь мывкыдаджык, но восьтӧма сы понда, медым тэныд, ӧксыӧй, гӧгӧрвоӧдны вӧттӧ, и медым тэ тӧдмалін, мый йылысь тэ мӧвпалін.

Даниил 4:6

шуи: ”Белтешацар, тэ туналысьяс вылын ыджыдыс. Ме тӧда, мый тэ пытшкын вежа Енлӧн Лолыс, и тэ верман восьтны гусяторъяс. Гӧгӧрвоӧд меным вӧтӧс.

Даниил 5:14

Ме кывлі, мый тэ пытшкын Енлӧн Лолыс, и тэнад эм сюсьлун, вежӧрлун да ыджыд мывкыдлун.

Даниил 7:1

Вавилонса Валтасар ӧксылӧн медводдза веськӧдлан воӧ, кор Даниил куйліс аслас вольпасьын, вӧтнас сылы вӧліны аддзылӧм-петкӧдчылӧмъяс. Сійӧ гижис ассьыс вӧтсӧ.

Даниил 8:1

Валтасар ӧксылӧн коймӧд веськӧдлан воӧ меным, Данииллы, воддза аддзылӧмыс бӧрын вӧлі нӧшта аддзылӧм.

Лыд 12:6

Господь шуис: «Кывзӧй Менсьым кывъясӧс. Эм кӧ тіян пӧвстын Менам пророк, сылы Ме восся петкӧдчылӧм пыр да сёрнита сыкӧд вӧтас.

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Ап. уджъяс 6:10

Степан сёрнитіс ыджыд мывкыдлунӧн да Лов вынӧн, та вӧсна эз вермыны венны сійӧс.

Ап. уджъяс 7:10

да дорйис сійӧс быд сьӧкыдыс дырйи. Енмыс сетіс Ӧсиплы ыджыд мывкыдлун, та вӧсна сійӧ сьӧлӧм вылас воис фараонлы, египетса ӧксылы. Фараон весиг пуктіс сійӧс веськӧдлыны Египетӧн да аслас став овмӧсӧн.

Ап. уджъяс 7:22

Мӧисейӧс велӧдісны египетса став мывкыдлунӧ, сылӧн сёрниыс да уджъясыс вӧліны тӧдчанаӧсь.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

Яков 1:17

Быдпӧлӧс бурсетӧмыс да тыр-бур козиныс воӧ вылісянь, югыдыслӧн Батьсянь. Сійӧ некор оз вежсьыв, Сылӧн югыдыс некор оз кус.

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.