Бӧрданкыв 3:3 - Коми Библия 2023

³ Сійӧ лэптіс ме вылӧ кисӧ, нӧйтӧ менӧ лунысь-лун.

Бӧрданкыв 3:3 Kruisverwysings

Иов 16:12

Ме олі лӧня, но Сійӧ пыркнитіс менӧ, кватитіс сьыліӧд да песлӧдліс, сувтӧдіс менӧ Аслыс лыйсян пас пыдди.

Иов 19:21

Ёртъясӧй, жалитыштӧй менӧ, ӧд Енлӧн киыс инмӧдчис ме дінӧ.

Иов 31:21

Ме кӧ кыпӧдлі киӧс батьтӧм-мамтӧм вылӧ, тӧдӧмӧн, мый менам эмӧсь дорйысьяс карса дзиръя дорын,

Иов 6:4

Ставсӧвермысьлӧн ньӧвъясыс сатшисны меным, менам лолӧй пагалӧ налӧн ядысь, Енмыс мӧдӧдіс меным повзьӧданторъяс.

Псалтыр 38:2

Ме шуи: «Кута видзӧдны ас бӧрся, медым аслам сёрниӧн эг мыжмы. Ог восьт вомӧс, чӧв ола, кытчӧдз лёк вӧчысь оз вешйы ме дінысь».

Исай 1:25

Ассьым киӧс Ме лэпта тэ вылӧ, сывда-весала тэнӧ, торйӧда тэысь став сорассӧ.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Индӧд 29:20

Господь оз прӧстит татшӧм мортсӧ, а ӧзъяс скӧрлунӧн да кисьтас сы вылӧ Ассьыс ярлунсӧ. Сы вылӧ усяс [тайӧ йитӧдсӧ торкӧмысь] став ёрӧмыс, мый гижӧма тайӧ [Индӧд] небӧгас. Господь вуштас енэж улысь сылысь нимсӧ.