Аввакум 3:8 - Коми Библия 2023

⁸ Господьӧй, Тэ пуксин Аслад вӧвъяс вылӧ, Аслад тарантасъясӧн петін, медым вермыны. Юяс вылӧ ӧмӧй Тэ скӧралан, шоръяс вылӧ ӧмӧй лӧглуныд петӧ, саридз вылӧ ӧмӧй скӧрлуныд киссьӧ?

Аввакум 3:8 Kruisverwysings

Псалтыр 104:3

Ошйысьӧй Сылӧн вежа нимнас! Господьӧс корсьысьлӧн мед нимкодясяс сьӧлӧмыс!

Псалтыр 114:3

Кулӧмыс тывйыштіс менӧ, пыдӧстӧминлӧн шогыс суис менӧ, сьӧкыдлуныс да шогыс личкисны менӧ.

Псалтыр 114:5

Господь бур сьӧлӧма, Сійӧ веськыда вӧчӧ, миян Енным мелі сьӧлӧма.

Псалтыр 18:10

Господьысь полӧмыс сӧстӧм, олӧ нэмъяс чӧж. Господьлӧн мыждӧмыс збыль да ставнас веськыд.

Псалтыр 45:4

весиг саридзса ваыс кӧ кыптас ыджыд шыӧн, керӧсъяс кӧ вӧрзясны сылӧн гызьӧмысь.

Псалтыр 68:17

Господьӧй, вочавидз меным, ӧд Тэ бур сьӧлӧма. Ыджыд буралӧмыд кузя видзӧдлы ме вылӧ.

Псалтыр 68:4

Горзӧмӧйла менам эбӧсӧй бырис, менам гӧлӧсӧй сибдіс, синмӧй мудзис Енмӧс виччысьӧмысь.

Псалтыр 77:16

Сійӧ сетіс валы ыльӧбтыны изкыртаысь, и ваыс визувтіс ю моз.

Петӧм 14:16

Лэпты бедьтӧ, нюжӧд китӧ саридзлань, мед саридзыс шӧри потас. Сэки Израиль пиян мунасны саридз шӧрӧдыс косінті.

Петӧм 7:19

Господь шуис Мӧисейлы: «Тшӧкты Аарон вокыдлы босьтны киас бедьсӧ да нюжӧдны сійӧс египетса ваяслань – юяс, шоръяс, тыяс да быдсикас ва видзанінъяслань. Египет пасьтала ваыс лоӧ вирӧн, тадзи лоӧ весиг пуысь да изйысь вӧчӧм дозъясын».

Петӧм 7:20

Мӧисей да Аарон вӧчисны Господьлӧн тшӧктӧм серти. Аарон лэптіс бедьсӧ, фараон да сылӧн йӧзыс син водзын вачкис Нил юӧ, и ваыс пӧри вирӧ.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Наум 1:4

Сійӧ тшӧктӧ, и саридзыс косьмӧ, юяс косьмӧны, Васан ыб да Кармил керӧс вылысь быдмӧгъяс нярмӧны, нярмӧны ливанса дзоридзьяс.

Аввакум 3:15

Аслад вӧвъясӧн Тэ вуджан саридз вомӧн, Ас бӧрсяыд быгзьӧдан-шызьӧдан васӧ.

Марк 4:39

Исус чеччис, ӧлӧдіс тӧвсӧ да тшӧктіс ваыслы: «Лӧнь, ланьт!» Тӧлыс ланьтіс, и вӧвлытӧм чӧв-лӧнь пуксис.

Восьтӧм 16:12

Квайтӧд анделыс кисьтіс ассьыс чашасӧ ыджыд Ефрат юӧ, и ваыс сэтысь косьмис. Тадзи вӧлі дасьтӧма туйсӧ асыввывсянь локтысь ӧксыяслы.

Восьтӧм 19:11

Енэжыс воссис менам син водзын, и сэтысь ме аддзи еджыд вӧлӧс да сы вылын Пукалысьӧс. Сылӧн нимыс – Эскана да Збыль, Сійӧ тышкасьӧ да мыждӧ веськыда.

Восьтӧм 19:14

Сы бӧрся еджыд вӧвъяс вылын мунісны енэжвывса тышкакотыръяс, найӧ вӧлі пасьтасьӧмаӧсь еджыд да сӧстӧм шабді паськӧмӧ.

Восьтӧм 6:2

Ме видзӧдлі да аддзи еджыд вӧлӧс. Сы вылын пукалысьлӧн киас вӧлі ньӧввуж. Сылы вӧлі сетӧма юркытш, и вермысь моз сійӧ муніс, медым вермыны.