Аввакум 3:6 - Коми Библия 2023

⁶ Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Аввакум 3:6 Kruisverwysings

Олӧм 49:26

батьыдлӧн бурсиӧмӧн. Тайӧ нэмӧвӧйся изъяслӧн бурсиӧмысь вынаджык, нэмӧвӧйся керӧсъяслӧн лышкыдлунысь бурджык. Став тайӧ бурсиӧмыс мед вевттяс Ӧсипӧс, ӧд сійӧс бӧрйӧма вокъяс пӧвстысь.

Иов 21:18

Сійӧ абу тӧлӧн нӧбӧдӧм идзас кодь, тӧвнырӧн шердйӧм кыд кодь.

Иов 9:5

Виччысьтӧг Сійӧ вештӧ керӧсъяс, Аслас скӧрлунӧн путкыльтӧ найӧс.

Псалтыр 103:17

Налӧн вожъяс вылӧ поздысьӧны лэбачьяс, сэтчӧ поздысьӧны аистъяс.

Псалтыр 104:32

Зэр пыдди Сійӧ мӧдӧдіс налы шер, ыпъялысь би мӧдӧдіс налӧн му вылӧ.

Псалтыр 35:5

Весиг вольпасяс куйлігӧн сійӧ мӧвпалӧ лёксӧ вӧчны, сійӧ сувтӧма мыжаяслӧн туй вылӧ, оз зывӧкты лёксӧ.

Псалтыр 68:16

Вабергачыс мед оз кыскы менӧ, джуджыд ваыс мед оз ньылышт менӧ, гуыс мед оз тупкы ассьыс вомсӧ менам юр весьтын.

Псалтыр 90:2

шуӧ Господьлы: «Тэ – менам сайӧдчаніныс да изкарыс, Тэ – менам Ен, Тэ вылӧ ме лача кута».

Псалтыр 97:5

Сьылӧй Господьлы да ворсӧй гуслиӧн, ворсӧй гуслиӧн да сьылӧй.

Петӧм 15:14

Войтыръяс повзисны, кор кылісны та йылысь, Филистим муын олысьяс полӧмнысла дзӧрисны.

Петӧм 15:15

Эдомса юралысьяс шӧйӧвошисны, моавса ыджыдалысьяс тіралісны, Ханаан муын олысьяс шогӧ усисны.

Петӧм 15:17

Тэ вайӧдан да овмӧдан войтыртӧ Аслад керӧс вылӧ, мый Тэ, Господьӧй, вӧчин Аслыд оланінӧн, кытчӧ Тэ, Ыджыдӧй, Аслад киӧн кыпӧдін вежаин.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Петӧм 21:31

Зонкаӧс либӧ нывкаӧс кувмӧныс люкалысь ӧшлы тшӧтш тайӧ индӧдыс серти вӧчӧй.

Исай 51:6

Лэптӧй синнытӧ енэжланьыс, видзӧдлӧй увлань му вылас. Енэжыс тшын моз бырас, муыс паськӧм моз важмас, му вылын олысьяс геб моз куласны. Но Меӧн мӧдӧдӧм мездмӧмыс пыр лоӧ, Менам веськыдлунӧй оз вежсьыв.

Исай 51:8

Паськӧмӧс моз найӧс воз сёяс, вурунӧс моз йирас-бырӧдас. Но Менам веськыдлунӧй пыр лоӧ, Меӧн мӧдӧдӧм мездмӧмыс лоӧ нэмъяс чӧж.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Наум 1:5

Сы водзын дзӧрӧны керӧсъяс, тіралӧны мылькъяс. Муыс тіралӧ Сы водзын, дзӧрӧны муюгыдыс да став сэні олысьыс.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Аввакум 3:10

Тэнӧ аддзӧмысь керӧсъяс вӧрзьӧны, сувтса зэр енэжсянь ыльӧбтӧ, пыдӧстӧм ваыс равӧстӧ, ассьыс ыджыд гыяссӧ кыпӧдӧ.

Матвей 24:35

Енэжыс да муыс бырас, а Менам кывъясӧй оз бырны.

Лука 1:50

Чужысьяссянь чужысьясӧдз Сылӧн буралӧмыс вуджӧ Сыысь полысьяс дінӧ.

Ап. уджъяс 17:26

Ӧти вирсянь Сійӧ вӧчис войтыръясӧс да овмӧдіс найӧс му пасьтала, торйӧдіс налы муяс да индіс налысь олан кадъяс,

Индӧд 32:8

Кор Медвылыссаыс юкліс войтыръяслы му, кор разӧдіс-овмӧдіс йӧзсӧ му пасьтала, Сійӧ индіс мудоръяс Израиль пиян лыд серти.

Индӧд 33:15

медбурнас, мый кисьмӧ важ керӧсъяс вылын, сӧвмӧ нэмӧвӧйся ыбъяс вылын,

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Ёрдысьяс 5:5

Господь водзын керӧсъяс дзӧрисны, Израильлӧн Господь Ен водзын весиг Синай керӧс вӧрис.