Аввакум 2:4 - Коми Библия 2023

⁴ Эскытӧм морт абу веськыд, а веськыда олысь эскӧмнас кутас овны.

Аввакум 2:4 Kruisverwysings

Псалтыр 49:18

Аддзан кӧ гусясьысьӧс, ӧтвывтчан сыкӧд, волысян гозъякост олӧм пежалысьяскӧд.

Исай 13:11

Ме, Господь, мыжда муюгыдсӧ лёк вӧчӧмсьыс, мыжаясӧс – налӧн мыжсьыныс. Вылӧ кыпӧдчысьяслӧн вывтіасьӧмлы Ме пукта пом, дзескӧдысьяслысь ышнясьӧмсӧ Ме путкыльта.

Езекиль 18:9

Сійӧ сьӧлӧмсяньыс олӧ Менам индӧд-тшӧктӧмъяс серти. Сійӧ – веськыда олысь, и овны кутас, – висьталӧ Господь Ыджыдыс.

Даниил 11:12

Вӧрӧгсӧ пасьвартӧм бӧрын лунвывса ӧксы пондас ышнясьны. Сы вылӧ видзӧдтӧг, мый лунвывса ӧксы бырӧдас дас сюрсъясӧс, сылӧн оз ло тырвыйӧ вермӧм.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Лука 18:14

Висьтала тіянлы: Ен водзын веськыдӧн муніс гортас вот перйысь, эз фарисей. Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Галатӧ 2:16

Ми тӧдам, мый мортсӧ веськыднас вӧчӧ Исус Кристослы эскӧм, а оз Индӧд серти уджъясыс. Ми эским Исус Кристослы, медым вӧлім веськыдӧсь Кристослы эскӧмӧн, а эгӧ Индӧд серти уджъясӧн. Ӧд Индӧд серти уджъяс некодӧс оз вӧчны Ен водзас веськыдӧн.

2 Фессалоникаӧ 2:4

Енлы паныд сувтысь. Сійӧ пуктас асьсӧ ставсьыс вылӧ, мый шуӧма енмӧн да вежаӧн. Сійӧ пуксяс Енлӧн крамӧ да шуас асьсӧ Енмӧн.

Еврейяслы 10:38

Веськыда олысь эскӧмнас кутас овны, а кежас кӧ Меысь, Меным сійӧ оз шогмы.

1 Петыр 5:5

Томджыкъяс, кывзысьӧй вичкоса юрнуӧдысьяслысь. Ставныд кывзысьӧй ӧта-мӧдныдлысь да лоӧй рам сьӧлӧмаӧсь, ӧд вылӧ кыпӧдчысьяслы Енмыс паныд сувтӧ, а рамъяс дінӧ Сійӧ буралӧ.