Аввакум 2:20 - Коми Библия 2023

²⁰ А Господь – Аслас вежа крамын. Став муюгыдыс мед ланьтас Сы водзын!

Аввакум 2:20 Kruisverwysings

Иов 37:20

Коді висьталас Сылы менсьым кывъясӧс? Воас-ӧ Сыӧдз мортлӧн шуӧмыс?

Псалтыр 11:4

Но Господь бырӧдас ылӧдчысьясӧс, найӧс, кодъяс ошйысьӧны,

Псалтыр 115:3

Мыйӧн ме мынтыся Господьлы став бурсьыс, мый Сійӧ вӧчис меным?

Псалтыр 46:10

Войтыръяслӧн юралысьяс чукӧртчӧны Ен войтыр дінӧ, тайӧ войтырыс кесъялӧ Ӧвраамлӧн Енлы. Мувывса став веськӧдлысьыс Енмыслӧн, Сійӧ юралӧ-ыджыдалӧ на вылын.

Исай 41:1

– Чӧв олӧй, кывзӧй Менӧ, саридз дорын олысьяс! Войтыръяс мед бара на ёнмӧдчасны, найӧ мед матыстчасны да шуасны: «Чукӧртчамӧй ёрд водзӧ».

Исай 6:1

Озей ӧксылӧн кулан воӧ ме аддзылі Господьӧс. Сійӧ пукаліс выліинын сулалысь джуджыд юралан пуклӧсын. Сылӧн паськӧм пӧлаыс вевттис ставнас крам пытшкӧссӧ.

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Исай 66:6

Со, гора шы кылӧ карысь, шыыс петӧ крамысь, кылӧ Господьлӧн гӧлӧс шыыс, Сійӧ мыждӧ паныд сувтысьясӧс.

Иона 2:4

Пыдӧстӧминӧ, саридзлӧн джуджыд ваӧ, Тэ шыбитін менӧ. Визулыс новлӧдліс менӧ, Тэнад гыясыд мунісны ме вывті.

Иона 2:7

Му пыдӧсӧдзыс уси, керӧсъяслӧн подулӧдзыс. Мулӧн дзиръяыс пӧдласис ме бӧрся пыр кежлӧ. Но Тэ, Господьӧй, менам Енмӧй, ловйӧн лэптін менӧ пемыд гуысь.

Микей 1:2

– Кывзӧй, войтыръяс! Кывзы, му! Кывзӧй, сэні олысьяс! Господь Ыджыдыс ставсӧ аддзӧ – Сійӧ локтас Аслас вежа крамысь да мыжалас тіянӧс.

Аввакум 3:1

Аввакум пророклӧн кевмысьӧм, бӧрдан сьыланкыв.

Софоний 1:7

Ланьтӧй ставныд Господь Ыджыдыс водзын! Ӧд Господьлӧн луныс матын, Сійӧ дасьтӧма начкӧм вылӧ вись, вежӧдӧма корӧмаясӧс.

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.