Аввакум 1:8 - Коми Библия 2023

⁸ Сылӧн вӧвъясыс леопард дорысь тэрыбӧсь, тэрыбӧсь войся кӧинъясысь. Сылӧн вӧвъясыс кыккокйыв тӧвзьӧны, найӧ локтӧны ылісянь, лэбӧны кыйдӧс вылӧ уськӧдчысь кутш моз.

Аввакум 1:8 Kruisverwysings

Иов 9:26

тӧвзьӧны кокньыд пыж моз, кыйдӧс вылӧ уськӧдчысь кутш моз.

Исай 11:14

Рытыввылын найӧ уськӧдчасны филистимсаяс вылӧ, асыввывса олысьяслысь куштасны озырлунсӧ. Эдом да Моав лоӧны налӧн кипод улынӧсь, аммон войтыр сетчас налы.

Еремей 4:13

Вӧрӧг кыпӧдчас кымӧр моз, сылӧн тарантасъясыс тӧвныр кодь тэрыбӧсь, сылӧн вӧвъясыс кутшъяс дорысь на тэрыбджыкӧсь. Сэки ті горӧданныд: ”Курыд шог миянлы! Миянӧс лоӧ бырӧдӧма!”»

Еремей 48:40

Господь тадзи висьталӧ: – Кутш моз вӧрӧг уськӧдчас Моав вылӧ, шевкнитас бордъяссӧ сы весьтын.

Еремей 5:6

Та вӧсна сук вӧрысь на вылӧ уськӧдчас лев, овтӧминса кӧин косявлас найӧс, леопард кыйӧдчӧ на бӧрся кар дорын, косявлас найӧс, кодъяс петасны карысь, ӧд налӧн мыжныс лыдтӧм-тшӧттӧм, найӧ унаысь эновтлісны Енсӧ.

Еремей 50:42

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Вавилон ныв.

Бӧрданкыв 4:19

Енэжвыв кутш дорысь тэрыбӧсь вӧліны миянӧс вӧтӧдысьяс, найӧ вӧтлысисны миян бӧрся керӧсъяс вывті, кыйӧдісны миянӧс овтӧминын.

Езекиль 17:12

«Тайӧ асныра войтырыс оз ӧмӧй гӧгӧрво, мый йылысь тайӧ нӧдкывйыс? Висьтав налы: вавилонса ӧксы локтіс Ерусалимӧ, босьтіс пленӧ ӧксыӧс да юралысьяссӧ и нуӧдіс найӧс Вавилонӧ.

Езекиль 17:3

Шу налы: – Господь Ыджыдыс тадзи висьталӧ: Ливан керӧс вылӧ ыджыд кутш пуксис, сійӧ вӧлі ыджыд бордъяса, уна рӧма гӧныс вӧлі пашкыр да кузь. Сійӧ чегис сус пулысь йывсӧ,

Езекиль 26:11

Вӧв кок туй коляс уличьяс вылад. Тэнсьыд олысьястӧ виасны шыпуртӧн. Зымвидзысь из сюръяястӧ муас пӧрӧдасны.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Наум 2:5

Ӧксылы тӧд вылас усьӧны тышкайӧзӧн веськӧдлысьяс. Найӧ котӧртӧны, крукасьлӧны, тэрмасьӧмӧн кайӧны карса стен вылӧ, но вӧрӧг дась нин жугӧдны карса дзиръяяс.

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Матвей 24:28

Кӧні шой, сэтчӧ чукӧртчасны кутшъяс».

Лука 17:37

«Кӧні тайӧ лоӧ, Господьӧй?» – юалісны велӧдчысьясыс. Сійӧ вочавидзис: «Кӧні шой, сэтчӧ чукӧртчасны кутшъяс».

Индӧд 28:49

Ылісянь, му помсянь Господь вайӧдас войтырӧс, кодлысь кывсӧ ті онӧ гӧгӧрвоӧй. Кутшъяс моз найӧ уськӧдчасны тіян вылӧ.