Аввакум 1:3 - Коми Библия 2023

³ Мыйла Тэ сетан меным аддзыны лёк вӧчӧмсӧ, видзӧдны шогыс вылӧ? Быдлаын гусясьӧны-мырддялӧны, виалӧны-дзескӧдӧны, лӧгалӧны да зыксьӧны.

Аввакум 1:3 Kruisverwysings

Еклесиаст 4:1

Ме видзӧдлі быдпӧлӧс дзескӧдӧм вылӧ, мый вӧчсьӧ шонді улас: дзескӧдӧмаяс бӧрдӧны – найӧс бурӧдысьыс абу, найӧ дзескӧдысьлӧн вына киынӧсь, а бурӧдысьыс абу.

Еклесиаст 5:8

Канмулы бур, кор ӧксыыс тӧждысьӧ аслас му вӧсна.

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Еремей 15:10

– Курыд шог меным! Мамӧй, мыйла тэ чужтін менӧ, татшӧм мортсӧ, коді вензьӧ-пинясьӧ став йӧзыскӧд? Ме некодлы эг удждывлы, некодлысь эг водзӧсавлы, но ставныс ёрӧны менӧ.

Еремей 20:18

Мыйла ме петі мам кынӧмысь? Сы могысь ӧмӧй, медым аддзыны мырсьӧм да шог, медым олан лунъясӧй помасисны яналӧмӧн?

Еремей 20:8

Быд пӧрйӧ, кор ме сёрнита, ме юӧрта виалӧм-дзескӧдӧм да бырӧдӧм йылысь. Господьлӧн кывйыс вӧсна менӧ лёкӧдӧны, ме вылын быд лун сералӧны.

Езекиль 2:6

Морт пиӧй, тэ эн пов наысь, эн повзьы налӧн сёрниысь, эн пов, весиг кӧ найӧ лоӧны бытшкалысь лежнӧг кодьӧс, весиг кӧ кутан овны на дінын скорпионъяс пӧвстын моз. Эн пов налӧн сёрниысь, эн повзьы наысь, ӧд найӧ асныра войтыр.

Матвей 10:16

Ме мӧдӧда тіянӧс ыжъясӧс моз кӧинъяс пӧвстӧ. Лоӧй змей кодь сюсьӧсь да гулю кодь рамӧсь.

2 Петыр 2:8

Быд лун тайӧ веськыда олысьыслӧн лолыс горзіс, кор аддзис-кыліс сы гӧгӧр олысь йӧзлысь лёк вӧчӧмсӧ.