Авдий 1:7 - Коми Библия 2023

⁷ Тэкӧд йитӧд кӧрталысьяс вӧтласны тэнӧ аслад муысь, тэнад ёртъясыд пӧръяласны да вермасны тэнӧ, тэнсьыд няньтӧ найӧ пуктасны тэ водзӧ нальк пыдди. Но Исавсянь чужысьяс тайӧс оз гӧгӧрвоны.

Авдий 1:7 Kruisverwysings

Псалтыр 41:10

Ме шуа менӧ дорйысь Енлы: «Мыйла Тэ вунӧдін менӧ? Мыйла меным лоӧ шогсьыны мустӧмтысьяслӧн дзескӧдӧмысь?»

Псалтыр 41:9

Луннас Господь петкӧдлӧ Ассьыс буралӧмсӧ, а войнас ме сьылӧмӧн ошка Сійӧс, кевмыся менам олӧмӧйлӧн Енлы.

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 30:14

Став тэнад ёртъясыд вунӧдісны тэнӧ, найӧ оз тӧждысьны тэ вӧсна. Вӧрӧг моз Ме пасьварті тэнӧ, чорыда мыжді тэнӧ уна лёк вӧчӧмсьыд, лыдтӧм-тшӧттӧм мыжъяссьыд.

Еремей 38:22

став аньяссӧ, кодъяс колины иудаса ӧксылӧн керкаӧ, нуӧдасны вавилонса ӧксылӧн киподувса юралысьяс дінӧ. Тайӧ аньясыс шуасны иудаса ӧксы йылысь: – Тэнад ёртъясыд ылӧдлісны тэнӧ, найӧ вермисны тэнӧ. Кор тэнад кокыд вӧйис нюйт пытшкӧ, найӧ бергӧдісны тэлань мышнысӧ.

Еремей 4:30

А тэ, пазӧдӧм кар, мый вӧчан? Тэ пасьталан пемыдгӧрд паськӧм, мичмӧдан асьтӧ зарни мичмӧдчанторъясӧн, мавтан синдорыштӧ. Но весьшӧрӧ тэ мичмӧдан асьтӧ, ӧд тэнад мусукъясыд мустӧмтӧны тэнӧ, найӧ кӧсйӧны босьтны тэнсьыд олӧмтӧ.

Еремей 49:7

Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Осий 13:13

Чужтан дойяс топӧдӧны сійӧс, но сійӧ вежӧртӧм кага кодь, кодлы воис кад чужны, но сійӧ оз пет.

Осий 7:11

Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.

Иоан 13:18

Ме ог висьтав ставныд йылысь, ӧд Ассьым бӧрйӧмаясӧс Ме тӧда. Но гижӧма: ”Мекӧд сёйысьыс сувтас Меным паныд”. Тайӧ кывъясыслы колӧ инны.