Авдий 1:5 - Коми Библия 2023

⁵ Тэ дінӧ кӧ локтісны гусясьысьяс, войся куштысь-мырддялысьяс, найӧ эськӧ бырӧдісны тэнӧ, но гусялісны эськӧ сӧмын мыйта налы колӧ. Тэ дінӧ кӧ локтісны виноград чукӧртысьяс, найӧ эськӧ колисны мыйтакӧ вотӧс.

Авдий 1:5 Kruisverwysings

Ӧксыяслӧн 2 небӧг 1:19

Тэнсьыд медбуръястӧ, Израильӧй, пасьвартісны керӧсъясыд вылын. Ыджыд шог – вынаяс усисны!

Исай 14:12

Тэ усин енэжсяньыс, тэ, югыд асъя кодзув, асъя кыаыслӧн пи. Тэ, войтыръясӧс дзескӧдысь, муас усигӧн тэ пасьмунін.

Исай 17:6

и шептыс этша кольӧ. Израилькӧд лоӧ сійӧ жӧ, – висьталӧ Господь, Израильлӧн Ен, – кыдзи овлӧ олив чукӧртӧм бӧрын: пу йылас кольӧ сӧмын кык-куим, вож вылас – нёль-ӧ-вит олив.

Исай 24:13

Став му пасьтала йӧзыс кольӧ сы мында, мыйта вотӧсыс кольӧ олив пу пыркӧдӧм бӧрын, виноград вотӧс чукӧртӧм бӧрын.

Еремей 49:9

Эдом, тэ дінӧ кӧ локтісны виноград чукӧртысьяс, найӧ эськӧ колисны мыйтакӧ вотӧс. Войнас кӧ локтісны гусясьысьяс, найӧ эськӧ гусялісны мыйта налы колӧ.

Еремей 50:23

Став мусӧ пазӧдысь мӧлӧтӧс жугӧдӧма-чегӧма! Вавилон лои повзьӧдчанторйӧн войтыръяс пӧвстын.

Еремей 6:9

Господь Саваоф тадзи висьталӧ: – Кыдзи кушӧдз нетшкӧны-чукӧртӧны виноград вотӧс, тадзи чукӧртасны Израильлысь коляс войтырсӧ. Виноград чукӧртысь моз нюжӧд китӧ пу вожъяслань.

Бӧрданкыв 1:1

Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.

Авдий 1:9

Теман, тэнад тышкайӧзыд кутасны дзӧрны-тіравны, Исав керӧс вылын ставнысӧ лоӧ виӧма-бырӧдӧма.

Микей 7:1

Курыд шог меным! Воис кад – вотӧс чукӧртӧм бӧрын кодь, виноград ӧктӧм бӧрын кодь: сёйыштны виноградыс абу, корся инжир вотӧс, а сійӧ абу.

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Индӧд 24:21

Виноградтӧ чукӧртӧм бӧрын кольӧм вотӧсыс мед вичмас йӧз муысь локтысьлы, батьтӧм-мамтӧмлы да дӧвалы.

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!